BolgeXeber.Com » Xəbərlər » Röyanın keçmiş əri polisə çağırıldı - İşçilərin maaşını vermir

Röyanın keçmiş əri polisə çağırıldı - İşçilərin maaşını vermir

26-10-2016, 12:51

Oxunub: 2 070

Bakıdakı “Çudo Peçka” mağazalarından birinin işçiləri polisə şikayət edib

Bolgexeber.com “Report”-a istinadən xəbər verir ki, işçilər maaşlarının verilməməsindən şikayətləniblər.

Binəqədi rayonu Cəfər Xəndan küçəsində yerləşən “Çudo Peçka” mağazasının 30-dək işçisi Binəqədi Rayon Polis İdarəsinə (RPİ) ərizə ilə müraciət edərək üç aydır maaşlarının verilmədiyini bildiriblər.

Faktla bağlı mağazanın sahibi Çingiz Çəlilovun oğlu Anar Cəlilov polis idarəsinə çağırılıb, ondan izahat alınıb. A.Cəlilov işçilərin maaşlarının yaxın günlərdə veriləcəyini bildirib.

Qeyd edək ki, Anar Cəlilov məşhur müğənni Röya Ayxanın keçmiş həyat yoldaşıdır.

“Çudo Peçka” əvvəllər Çingiz Cəlilovun olub. Mağazalar şəbəkəsi 2011-2016-cı illərdə “Bakery Operating Compani'” MMC-nin idarəçiliyində olsa da, hazırda əvvəlki sahibindədir.

Çox Oxunanlar