BolgeXeber.Com » Xəbərlər » Vətəndaş 'Bakcell'dən 100 min təzminat istəyir - Şikayət

Vətəndaş 'Bakcell'dən 100 min təzminat istəyir - Şikayət

4-11-2016, 16:31

Oxunub: 2 207 Vətəndaş 'Bakcell'dən 100 min təzminat istəyir - Şikayət

Onun balansında olan məbləğin hansı yolla yoxa şıxmasına isə Bakcell müştəri xidmətlərində cavab verməkdə acizlik nümayiş etdirib

Bakunews.az-a müraciət edən vətəndaş Şahmar Əliyev bildirib ki, 3 aydır davam edən qanunsuzluq artıq onu təngə gətirib. "Bakcell" şirkətinin əlindən zara gəldiyini bildirən vətəndaş qeyd edir ki, 3 ay ərzində balansından külli-miqdarda məbləğ oğurlanıb. Şirkətə müraciət edərək şikayətin bildirən Şahmar bəyə cavab verəcək səlahiyyətli nümayəndə tapılmayıb ki, buda vətəndaşın əsəblərinin pozulmasına səbəb olub. Vətəndaş əsəblərini cilovlaya bilməyərək mübahisə edib. Onun balansında olan məbləğin hansı yolla yoxa şıxmasına isə Bakcell müştəri xidmətlərində cavab verməkdə acizlik nümayiş etdirib. Vətəndaşın əsas şikayəti və digər şəxslərin redaksiyamıza müraciətləri eyni tərkiblidir ki, onlarında balansından gecələr məbləğ yoxa çıxmaqdadır. "Bakcell" MMC şirkəti fərdi şəxslərlə apardığı iş birliyində vətəndaşların razılığı olmadan onları hansısa onlayn internet səhifələrinə abunə edir, yaxuda məlumat almaq adıyla pulsuz qoşul deyərək sonradan vətəndaşların gizlicə ciblərinə girməkdədirlər - vətəndaş qeyd edir.

Sonda isə vətəndaş Şahmar Əliyev qeyd edib ki, məsələ ilə bağlı "Bakcell" MMC-ni məhkəməyə verərək ona vurduğu maddi və mənəvi ziyanın ödənilməsi üçün 100 min manat təzminat tələb edəcəyini bildirib.

Məsələnin ciddi yöndə araşdırılmasına ehtiyac olduğundan mövzunu diqqətimizdə saxlayacağıq.

Redaksiyadan: qarşı tərəflərin mövqeyini dərc etməyə hazırıq.
Bolgexeber.com

Çox Oxunanlar