BolgeXeber.Com » Xəbərlər » Hacıqabul rayon Mədəniyyət Mərkəzində "Bəla" adlı tamaşa göstərildi-FOTO

Hacıqabul rayon Mədəniyyət Mərkəzində "Bəla" adlı tamaşa göstərildi-FOTO

12-06-2017, 20:00

Oxunub: 3 149

Hacıqabul rayon Mədəniyyət müəssisələrinin tədbirlər planına uyğun olaraq vaxtaşırı bəşəriyyətin bəlası olan narkomaniya və zərərli vərdişlərlə əlaqədar “Narkomaniyaya yox deyək” devizi altında müxtəlif tədbirlər keçirilir

Belə tədbirlərdən biri də 12.06.2017-ci il tarixində Hacıqabul rayon MKS-nin 19 saylı Qarasu kənd kitabxana fililının müdiri Şamil Azadovun ssenarisi əsasında hazırlanmış “Bəla” tamaşasıdır.

Rayon Mədəniyyət mərkəzində təşkil olunan tədbirdə rayon İcra Hakimiyyətinin, rayon Polis şöbəsinin, Gənclər və İdman İdarəsinin əməkdaşları, mədəniyyət işçiləri, müəllimlər və şagirdlər iştirak etmişlər. Tamaşanın nümayişindən əvvəl Qarasu kənd kitabxana filialının müdiri Şamil Azadov tədbiri giriş sözü ilə açaraq, narkomaniyanın fəsadlarından, sağlam həyat tərzi istiqamətində maarifləndirmənin vacibliyindən danışmışdır.

Tamaşanı şəhərin 2, 5, 9 saylı tam orta məktəbinin 10-cu sinif, Qarasu kənd məktəbinin 6-cı sinif şagirdlərindən bir qrupu canlandırmışdılar.

Tədbirin sonunda Sabirabad regional Mədəniyyət və Turizm idarəsinin Hacıqabul rayon üzrə nümayəndəsi Elnur Əmiraslanov, rayon Təhsil şöbəsinin müdiri Şükür Məmmədov, İcra Hakimiyyəti Başçısının müavini – İctimai-siyasi və humanitar məsələlər şöbəsinin müdiri Zeynəb Yunuslu tədbir iştirakçılarına təşəkkürünü bildirmiş, tamaşada rol alan hər kəsi müxtəlif hədiyyələrlə mükafatlandırmışdır.

Bolgexeber.com

Çox Oxunanlar