BolgeXeber.Com » Xəbərlər » “Bizimsüd” və “İvanovka” saxta çıxdı

“Bizimsüd” və “İvanovka” saxta çıxdı

9-08-2017, 17:29

Oxunub: 2 627

Fiziki şəxslər İbrahim Selmana və Aytən Həsənovaya müvafiq göstəriş verilib

İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti Abşeron rayonu, Mehdiabad qəsəbəsi, Binəqədi-Fatmayı yolu, ev 1-ci kilometr ünvanında fəaliyyət göstərən fiziki şəxs İbrahim Selman tərəfindən istehsal olunan “Bizimsüd” adlı şorun və Abşeron rayonu, Novxanı kəndi, H.Əliyev küçəsi, ev 4 ünvanında fiziki şəxs Aytən Həsənova tərəfindən istehsal olunan “İvanovka” adlı şorun etiketində saxlama müddətinin normativ sənədlərlə müəyyən edilmiş müddətdən artıq göstərildiyini aşkarlayıb.

Bolgexeber.com nazirliyin mətbuat xidmətinə istinadən xəbər verir ki, sözügedən əmtəə nişanlı məhsulların saxlama müddətinin normativ sənədlərlə müəyyən edilmiş vaxtdan artıq göstərilməsi aşkarlanıb. Bəlli olub ki, bu məhsulların saxlama müddəti ötüb və beləliklə də, insanların həyat və sağlamlığı üçün təhlükəli mallar istifadəyə yararlı məhsul kimi bazara çıxarılıb.

Bununla əlaqədar istehsal olunan məhsulların üzərində saxlama müddətinin normativ sənədlərin tələblərinə uyğunlaşdırılması barədə fiziki şəxslər İbrahim Selmana və Aytən Həsənovaya müvafiq göstəriş verilib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]