BolgeXeber.Com » Xəbərlər » “Ürəyin istəmir, alma...” - Məşhur market müştəriləri belə aldadır

“Ürəyin istəmir, alma...” - Məşhur market müştəriləri belə aldadır

15-09-2017, 18:39

Oxunub: 3 923

Bakıda daha bir market müştərini aldatmaq istəyib

Bu barədə “Qafqazinfo”ya Mircəlal Məcidov şikayət edib. O bildirib ki, “Fresco” marketin Nəsimi rayonu, S.Rəhimov küçəsi, 179A ünvanında yerləşən filialında satıcıların qanunsuz hərəkəti ilə üzləşib:

“Hər gün bu marketdən alış-veriş edirəm. Hər dəfə də meyvə bölümündə problemlə rastlaşıram. Satıcılar ucuz meyvənin üzərinə baha meyvənin qiymətini vurur. Bu hal birinci dəfə deyil. Bundan əvvəl də bir neçə dəfə belə hal yaşanmışdı. Bu gün piştaxtada qiyməti 2.58 olan şaftalını daha baha, 2.75 qəpiyə satdılar. Satıcıdan niyə baha qiymət yazdığını soruşduqda kobud şəkildə cavab verdi. Dedi ki, ürəyin istəmir, alma. Biz beləyik”.

Şikayətçi daha sonra supermarketin cavabdeh şəxslərinə məlumat versə də, problemin həll olunmadığını qeyd edib:

“ Şikayətimi marketin Yuliya adlı qadın əməkdaşına da bildirdim. Sadəcə susub, baxırdılar. Heç bir söz demədilər".

M. Məcidov qarşılaşdığı qanunsuzluqla bağlı İqtisadiyyat Nazirliyinin Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə rəsmi şəkildə şikayət etdiyini də bildirib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]