Bizimlə əlaqə | Reklam
BolgeXeber.Com » Xəbərlər » Bakıda 100 min manata tutuquşu satılır - VİDEO

Bakıda 100 min manata tutuquşu satılır - VİDEO

29-09-2017, 13:57
Oxunub: 2 950 Bakıda 100 min manata tutuquşu satılır - VİDEOBakıda danışan tutuquşu fantastik qiymətə satılır

Yenicag.az xəbər verir ki, sahibi tutuquşuna nə az, nə çox, düz 100 min manat qiymət qoyub. Əsasən dini kəlmələr, məsələn “Allahu Əkbər”, “Ya Allah” deməyi bacaran quşu sahibi niyə bu qədər baha qiymətə satır? Onu bu qədər bahalı edən nitq qabiliyyətinin olmasıdır.

‘Qu-Qu’ adlı tutuquşu 30-35 söz bilir. Quşun sahibi Ramil Qədimov 6 yaşlı tutuquşunu 4 il əvvəl başqa birindən alıb. Danışmağı sevən quş, çox vaxt evdə tək qalır. Bərbər işləyən Ramil Qədimov, bunun quşun sağlamlığına və nitqinə pis təsir etdiyini deyir. Məhz bu səbəbdən də onu satmaq istəyir. Saytlara elan verən Ramil Qədimovun dediyinə görə, ona daha çox Türkiyə vətəndaşları zəng edir.

Tutuquşu günəbaxan tumu, giləmeyvələrlə qidalanır. Çəhrayı quyruqlu, boz quş kaprizləri ilə də diqqət çəkir. Qəfəsdə dəyişiklik etdikdə küsəyənliyini və etirazını günlərlə yemək yeməməklə bildirir.

Tutuquşunun sahibi onu bilərəkdən bu qiymətə satır. Quşun gələcək taleyindən narahat olan Ramil Qədimov, maddi dəyəri çox olduğundan yeni sahibinin ona yaxşı baxacağını deyir. Onu satın alan şəxs, Ramil Qədimovla müqavilə imzalamalıdır. İndiki sahibi tutuquşunu satdıqdan sonra da ziyarət etməsinə şərait yaradılması şərtini irəli sürür.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]