Yeni ictimai birlik fəaliyyətə başlayıb-FOTO
13-10-2017, 14:08
Oxunub: 2 300
Azərbaycanda aktiv ictimai fəaliyyətlə məşğul olmağı qarşısına məqsəd qoymuş daha bir yeni təşkilat yaradılıb
Bu yeni təşkilatın adı isə "Sabaha İnam" İctimai Birliyidir. İctimai birliyin sədri Vüsal Əliyev, təsisçilər isə Qüdrət Əliyev və Bəxtiyar Nəsirovdur. Bununla bağlı Azərbaycan Milli QHT Forumunun binasında "Sabaha İnam" Sosial İnkişaf İctimai Birliyinin təqdimatı olub.
Təşkilatın sədri Vüsal Əliyevin sözlərinə görə, birliyin məqsədi əhalinin, xüsusilə qaçqın və məcburi köçkünlərin sosial inkişafına kömək etməkdən, bir sıra məsələlərdə maarifləndirmə işlərinin aparılmasından ibarətdir. O bildirib ki, bu gün hər bir Azərbaycan vətəndaşı çalışmalıdır ki, bu istiqamətdə gənclərimizə də dəstək olsun.
Tədbirdə bildirilib ki, yeni birliyin əsas məqsədi və hədəfi Azərbaycanda yaşayan həssas qrupların, aztəminatlı ailələrin, kimsəsiz uşaqların, qaçqın və məcburi köçkünlərin problemlərinin həllində, sosial inkişafının təmin edilməsində aktiv iştirak etmək və həmçinin də turizm, təhsil, kənd təsərrüfatı kimi sosial əhəmiyyətliliyi böyük olan digər sahələrdə təşviq edici bütün layihələrdə rol almaqdır, həmçinin gənclərin müasir texnologiyalardan istifadə imkanlarının genişlənməsinə yardım etməkdir.
Tədbirdə qeyd olunub ki, "Sabaha İnam" Sosial İnkişaf İctimai Birlik iyun ayında Ədliyyə Nazirliyi tərəfindən dövlət qeydiyyatına alınıb.
O da bildirilib ki, “Sabaha İnam” Sosial İnkişaf İB gənc və potensial vəd edən ictimai aktivliyi olanları öz ətrafına toplaya bilib. Çıxış edənlər bildiriblər ki, istər təsisçilər, sədr və istərsə də idarə heyətinin üzvləri olaraq cavan bir heyətdən ibarətdir. Təhsil və sosial fəaliyyətlərlə bağlı təcrübəsi çox olan bu insanların rəhbərliyi altında təşkilatın gələcəyi dinamik və enerjili fəaliyyət vəd edir. O da qeyd olunub ki, artıq bir neçə sosial layihənin həyata keçirilməsi planlaşdırılır. Təşkilat üzvləri ilkin olaraq öz hesablarına bəzi layihələri həyata keçirməyə hazırlaşırlar.
Tural
Bolgexeber.com
Çox Oxunanlar
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 17-04-2024, 10:13 : Hadı Rəcəblinin dəfn yeri açıqlandı
Gündəm
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər