BolgeXeber.Com » Xəbərlər » "Qoca" hələ də tapılmayıb - Nazir ciddi tapşırıq verdi

"Qoca" hələ də tapılmayıb - Nazir ciddi tapşırıq verdi

1-11-2017, 18:12

Oxunub: 2 640

Kriminal aləmdə "Qoca" ləqəbi ilə tanınan Etibar Məmmədovun axtarışları davam etsə də, o, hələ tapılmayıb

Bolgexeber.com xəbər verir ki, bu barədə Ədliyyə Nazirliyinin bu gün keçirilən kollegiya iclasında məsələ qaldırılıb. Nazir Fikrət Məmmədovun sədrliyi ilə keçirlən iclasda məhbus Etibar Məmmədovun axtarışlarının davam etdirildiyi qeyd olunub.
Vurğulanıb ki, məhbusların qatardan qaçmasına görə, Penitensiar xidmətin 21 rəhbər və məsul işçisi ciddi intizam məsuliyyətinə cəlb edilib, o cümlədən 15 nəfər ədliyyə orqanlarından xaric olunub və ya tutduğu vəzifədən azad edilib, 4 nəfər, o cümlədən Konvoy taborunun komandiri olmuş B.Abdullayev vəzifə səlahiyyətlərindən sui-istifadəyə görə cinayət məsuliyyətinə cəlb edilərək həbs olunub.

Penitensiar xidmətdə nizam-intizamın möhkəmləndirilməsi, qanunvericiliyin tələblərinə ciddi əməl edilməsi, əməliyyat-rejim və mühafizə tədbirlərinin gücləndirilməsi, tabe qurumların fəaliyyətinə təsirli nəzarətin təmin olunması, əməkdaşların məsuliyyət hissinin artırılması ilə bağlı konkret tapşırıqlar verilib.

Xatırladaq ki, oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar. Qaçan məhbuslardan Əli Ağami bir neçə gün sonra Şirvan şəhərində tutulub.

Mətbuatda yayılan məlumatlara görə, Etibar Məmmədovun qaçmasına kömək edən müğənni Fədayə Laçın və bir neçə nəfər həbs edilib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]