Separatizmə dəstək verən laçınlı məmur işdən qovuldu? - adı İcra Hakimiyyətinin rəsmi saytından çıxarılıb
18-11-2017, 15:23
Oxunub: 3 254
İraq Kürd Muxtariyyətində müstəqilliklə bağlı keçirilən qanunsuz referendumuna açıq dəstək nümayiş etdirən Laçın Rayon İcra Hakimiyyətinin hüquq şöbəsinin müdiri Fizuli Tanirverdiyevin adı İcra Hakimiyyətinin rəsmi saytından çıxarılıbAxar.az xəbər verir ki, qurumun saytında “Aparatın strukturu” bölməsində icra nümayəndələrinin ad və soyadları, onların icra etdikləri vəzifələr və səlahiyyətləri qeyd olunub. Sözügedən bölmədə bu günə qədər Hüquq şöbəsinin müdiri vəzifəsində F.Tanirverdiyevin adı qeyd olunmuşdu. Lakin hazırda “Hüquq şöbəsinin müdiri” vəzifəsi boşdur. F.Tanirverdiyevin adı vəzifənin qarşısından silinib.
Maraqlıdır ki, “Aparatın strukturu” bölməsində ümumiyyətlə F.Tanirverdiyevin adı yoxdur. Bundan o nəticəyə gəlmək olar ki, İraq Kürdüstanında keçirilən müstəqillik referendumuna açıq dəstək nümayiş etdirən F.Tanirverdiyev ya işdən azad edilib, ya da işdən azad edildiyi görüntüsü yaradılır.
F.Tanirverdiyevin özü Feysbuk səhifəsində daha separatizmə dəstək paylaşımları etmir, bir neçə gün öncəyədək isə daha çox Laçın İcra Hakimiyyətinə aid rəsmi xəbərlər paylaşmaqla məşğul olub. Lakin son günlər o ancaq “Hüquqlardan sui-istifadə”, “Bərabərlik hüququ” ilə bağlı məlumatlar yaymağa üstünlük verir.
Laçın icra başçısının köməkçisi Elşən Quliyev isə hazırda iclas keçirildiyini, səlahiyyətlilərin yerində olmadığını bildirib və suala cavab verməyib.
Qeyd edək ki, F.Tanirverdiyev İraq Kürdüstanında keçirilən müstəqillik referendumuna açıq dəstək nümayiş etdirmişdi.
Milli Məclisin başda Vahid Əhmədov olmaqla, bir neçə deputatı olayın araşdırılması üçün Baş Prokurorluğa müraciət etsə də, hələlik, heç bir nəticə yoxdur.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
