“Nurgun Motors” prezidentinin oğlu həbsdən çıxdı
28-11-2017, 13:44
Oxunub: 2 741
“Nurgun Motors” şirkətlər qrupunun rəhbəri Nuru Əliyevin oğlu Nurxan Əliyevin həbs müddəti başa çatıb. Məlumatlara görə, bir neçə gün əvvəl 15 sutkalıq həbs cəzası sona çatan N.Əliyev hazırda piyada gəzir
Atası N.Əliyevin onu tənbeh etmək məqsədi ilə onu maşınsız qoyub. Az sonra məsələ unudulacaq və N.Əliyev yenidən maşının sükanı arxasına keçəcək...
Yada salaq ki, Nəsimi rayon Məhkəməsinin qərarına əsasən N.Əliyev polisin əmrinə tabe olmamaqda təqsirli bilinib. Hakim Elman İsayevin sədrlik etdiyi iclasda N.Əliyev 15 gün müddətinə inzibati qaydada azadlıqdan məhrum edilmişdi. N.Əliyev İnzibati Xətalar Məcəlləsinin 535.1-ci (polisin əmrinə tabe olmama) maddəsinə əsasən ittiham edilib. Nəsimi rayonu ərazisində Yol Patrul Xidmətinin (YPX) əməkdaşları ilə avtomobil sahibi arasında insident baş verib. "İnfiniti" markalı avtomobilin sərnişini Nurxan Nuru oğlu Əliyev yol ilə paralel hərəkət edən YPX avtomobilində olan polisləri təhqir etmiş, polisin "Saxla!" əmrinə tabe olmamışdı. Sonradan avtomobili dayandırmışdılar. N.Əliyev maşından enərək kiçik çavuş Sənan Ədilzadənin üz nahiyəsinə yumruq zərbəsi endirmişdi. Ardınca sürücü və sərnişin xidməti maşını idarə edən digər polisi təhqir etmişdi. Varlı biznesmen oğlunu əraziyə çağırılan Polis Post Patrul Xidmətinin əməkdaşları da sakitləşdirə bilməmişdilər.
Araşdırma zamanı məlum olub ki, avtomobil “Nurgün Motors” şirkətlər qrupuna məxsusdur. Sürücü və sərnişinin isə qanunvericilikdə nəzərdə tutulan qaydada avtomobili idarə etmək hüququ yoxdur. Onlar asayiş keşikçilərinə göstərdikləri müqavimətə görə Nəsimi Rayon Polis İdarəsinin 22-ci Polis bölməsinə aparılıb. Bundan sonra sərnişin N.Əliyev Respublika Narkoloji Mərkəzinin alkoqol sərxoşluğunu təyinetmə məntəqəsinə dəvət edilib. Məntəqədə həkim yoxlanışı zamanı onun sərxoş olduğu müəyyən edilib. Bu olay ictimiləşəndən sonra N.Əliyevə yüngül cəza təyin olunduğu da üzə çıxmışdı. Bildirilirdi ki, hakim Elman İsayev varlı biznesmen oğluna qarşı hədən ziyadə humanistlik nümayiş etdirib. Cinayət Məcəlləsinin 315-ci – hakimiyyət nümayəndəsinin tələbinə tabe olmama, hakimiyyət nümayəndəsinə zor tətbiq etmə maddəsini İnzibati Xətalar Məcəlləsinin 535.1-ci (polisin əmrinə tabe olmama) maddəsinə çevirməklə ona yüngül cəza təyin edib. Hakimin humanistliyinin qaynağı haqda çox da düşünməyib. Qeyd edək ki, N.Əliyev artıq azadlıqdadır. Polisi söyür və az sonra azadlıqda qala bilirsə, yol-hərəkət iştirakçıları da bir qədər ehtiyatlı olsunlar. O, yeni bir sərgüzəştə qol qoya bilər.
Ə.Rais
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər