Azərbaycanın qışda donan turizmi… - Nə etməli?
29-11-2017, 10:52
Oxunub: 2 943
Azərbaycanda son illər turizm sektorunda müəyyən canlanma müşahidə edilsə də, bu prosesin daha çox mövsümü xarakter daşıdığı bildirilirYenicag.az xəbər verir ki, qış turizm mövsümünün yaxınlaşdığı ərəfədə yerli vətəndaşların və xarici turistlərin istirahət üçün Azərbaycanı seçmək ehtimalı indidən maraq doğurur.
Yay-payız aylarında Azərbaycanda yerli və xarici turist fəallığını nəzərə aldıqda, bu prosesin qışda hansı miqyasda olması məsələsi aktuallaşmaqdadır. Doğrudur, Azərbaycanda qış turizminin inkişaf etdirilməsi çərçivəsində müəyyən infrastruktur yaradılıb. Ancaq görülmüş işlərin yetərli olub-olmadığı müzakirə mövzusu olaraq qalmaqdadır
Məsələni Yenicag.az-a şərh edən Liberal İqtisadçılar İctimai Birliyinin sədri Akif Nəsirli bildirb ki, Azərbaycanda qış turizminin real inkişafına nail olmaq üçün fərdi turizm sahəsinə daha çox üstünlük verilməlidir:
“Azərbaycanda ümumiyyətlə, turizm sektoru ancaq son illər inkişaf etməyə başlayıb. Ona görə də, turizm sektorunu qismən yeni sahə hesab etmək olar.
Bu baxımdan, ölkəmiz üçün daha əlverişli olan yay turizmi belə hələ ki o qədər də ciddi inkişaf mərhələsinə qədəm qoya bilməyib. Bununla belə, son zamanlar qış turizminin inkişafı istiqamətində bəzi addımlar atılmaq üzrədir.
Dediyimizə misal olaraq, “Şahdağ” Turizm Mərkəzini göstərmək olar. Amma qış turizmi ölkəmiz üçün nisbətən yeni sahə olduğundan, burada inkişaf səviyyəsi hələ arzulanan həddə deyil.
Qış turizminin inkişafına nail olmaq üçün bu sahədə ciddi rəqabət mühitinin formalaşması vacibdir. Odur ki, həm azad fəaliyyət təmin edilməli, həm də bu istiqamətə vəsait yatırmaq istəyənlər üçün əngəllər aradan götürülməlidir.
Fərdi turizmə daha çox üstünlük verməliyik. Çünki onların perspektivi var. Bunun üçün normal şərait yaradılmalı, sahibkarlara fəaliyyət azadlığı verilməli, iş qurmaq imkanları genişləndirilməlidir”.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
