BolgeXeber.Com » Xəbərlər » Bərdədə Beynəlxalq Əlillər günü silsilə tədbirlərlə qeyd edilib-FOTO

Bərdədə Beynəlxalq Əlillər günü silsilə tədbirlərlə qeyd edilib-FOTO

5-12-2017, 10:44

Oxunub: 4 319

Bərdə Regional Mədəniyyət və Turizm İdarəsi 3 dekabr Beynəlxalq Əlillər gününü silsilə tədbirlərlə qeyd edib

Bolgexeber.com xəbər verir ki, birləşmiş Millətlər Təşkilatının təşəbbüsü ilə dünya miqyasında keçirilən 3 dekabr - Beynəlxalq Əlillər Günü ümummilli lider Heydər Əliyevin müvafıq sərəncamı ilə 1994-cü ildən etibarən Azərbaycanda da qeyd olunur. Ölkəmizdə əlil hüquqlarının qorunması, onların sağlamlıqlarının bərpası, sosial rifahının yaxşılaşdırılması, mənzillə təminatı, peşə ixtisasına yiyələnməsi, bir sözlə, tam hüquqlu üzv kimi cəmiyyətə inteqrasiya olunması üçün tədbirlər görülür.

Bərdə Regional Mədəniyyət və Turizm İdarəsi də tabeliyində olan mədəniyyət müəssisələri ilə 3 dekabr Beynəlxalq Əlillər gününü silsilə tədbirlərlə qeyd ediblər. Tədbirlərdə bütün sahələrdə olan inkişafdan və fiziki imkanları məhdud şəxslərə dövlət qayğısından söz açılıb.

Regional İdarənin tebeliyində olan Bərdə rayon Mədəniyyət Mərkəzi, o cümlədən mərkəzin nəzdində fəaliyyət göstərən klub müəssisələri də 3 dekabr Beynəlxalq Əlillər gününü geniş şəkildə qeyd ediblər. 1, 3, 4 nömrəli şəhər klubları, şəhər Mədəniyyət sarayı, Hacılar kənd klubu, Kələntərli kənd Mədəniyyət evi, Qaraməmmədli kənd klubu, Mirzalıbəyli kənd klubu, Qəhrəmanlı kənd klubu, və digər klub müəssisələrinin təşkil etdikləri tədbirlərdə məhdud fiziki imkanlı şəxslərə dövlətin hərtərəfli diqqət və qayğısından danışılıb. O da qeyd olunub ki, əlillərə sosial xidmətlərin səviyyəsi yüksəlib və onların asudə vaxtlarının mənalı təşkili istiqamətində intensiv tədbirlər təşkil edilir.

Regional İdarənin Mingəçevir, Yevlax şəhərlərində, o cümlədən Tərtər rayon nümayəndəliyində də 3 dekabr Beynəlxalq Əlillər gününü silsilə tədbirlərlə qeyd edilib. Tədbirlərdə vurğulanıb ki, əlil vətəndaşlara və xüsusilə də əlil uşaqlara diqqət və qayğı cəmiyyətimizin hər bir üzvünün borcudur. Bununla əlaqədar əlillərlə bağlı müxtəlif tədbirlərin həyata keçirilməsi dövlət tərəfindən hər zaman diqqət mərkəzində saxlanılır.

İdarənin Tərtər rayon nümayəndəliyinin Tarix–diyarşünaslıq muzeyində də “Beynəlxalq Əlillər günü” münasibəti ilə Tərtər rayon Əlillər və Şəhid ailələri cəmiyyətinin üzvüləri ilə görüş keçrilib.

Görüşdə Tərtər rayon Tarix-diyarşünaslıq muzeyinin direktor əvəzi A.Məmmədova ,cəmiyyətin sədri S.Yusifov, cəmiyyətin üzvü N.Heydərov və başqaları çıxış edərək əlillərin cəmiyyətə inteqrasiyası istiqamətində davamlı tədbirlərin həyata keçirilməsindən danışıblar.

Tədbirlər əlillərin istəyinə uyğun olaraq konsert və kompozisiya proqramları ilə davam edib və sonda əlillərə hədiyyələr təqdim olunub.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]