BolgeXeber.Com » Xəbərlər » Deputatlar Yeni ili harda qarşılayacaq? (SORĞU)

Deputatlar Yeni ili harda qarşılayacaq? (SORĞU)

9-12-2017, 17:05

Oxunub: 2 118

Qarşıdan 2018-ci il gəlir. Ayın sonunda bizi iki möhtəşəm bayram - Dünya Azərbaycanlılarının Həmrəyliyi Günü və Yeni il gözləyir

Qaynarinfo bəzi millət vəkillərimizin bayramla bağlı planlarını öyrənməyə çalışıb. Əksər deputatlarımız telefon zənglərimizi cavabsız qoysa da, bəziləri ilə danışa bildik. Onların açıqlamalarını təqdim edirik.

Vahid Əhmədov: "Mən Yeni ili ailəmlə birlikdə Azərbaycanda keçirməyi düşünürəm. Ölkədən kənara çıxmayacam. Həmişə bayramları Qubada keçirirəm. Həm Qubanın millət vəkiliyəm, həm də uşaqlarımı, nəvələrimi ətrafıma toplayıb sakit şəkildə bayram qeyd edirəm".

Fazil Mustafa: "Əslində bayram üçün xüsusi bir planım yoxdur. Adətən hara gedəcəyimə ayın 28-29-dan sonra qərar verirəm. Açığı, ötən il bayramı restoranların birində keçirtdim və peşman oldum. Çünki bayram keçirmə mədəniyyəti bizdə çox aşağıdır. Bəziləri içib özlərini səviyyəsiz aparırlar. Elə hərəkətlər edirdilər ki, dəhşətə gəlirdim. Dalaşan kim, söyüşən kim. Ona görə düşünürəm ki, rayonlarımızın birinə gedib təbiət qoynunda bayramı qeyd edim".

Aqil Abbas: "Harda keçirəcəm ki? Bayramda ailəmlə evimizdə olacam".

Araz Əlizadə: "Bayramı evdə və ailəmlə keçirəcəm. Bilirsiniz, Yeni ili, Novruz bayramını insan gərək öz evində, ailəsiylə birgə qarşılasın".

Fuad Muradov: "Milli Məclisin işi ayın 29-u bitir. İclasımız olacaq. Və bundan sonra istirahətə buraxılırıq. Adətən hər il bayramı ya ailəmlə birgə evimdə, ya da hər hansı rayonda qeyd edirəm. Bu il hələlik qərar verməmişik. Amma çox güman ki, Quba-Qusar tərəfə gedəcəyik. Yəqin ki, gedib xizək sürərik".

Fərəc Quliyev: "Mənim öz adətim var. Yeni ildə həmişə ailəmlə birgə evimdə oluram".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]