BolgeXeber.Com » Xəbərlər » DİN xəzinədara silahlı hücumla bağlı məlumat yaydı

DİN xəzinədara silahlı hücumla bağlı məlumat yaydı

28-04-2018, 14:04

Oxunub: 1 693 DİN xəzinədara silahlı hücumla bağlı məlumat yaydı

Aprelin 25-də Yasamal Rayon Polis İdarəsinin 27-ci Polis Bölməsinə rayon ərazisindəki MMC-lərin birinin qarşısında naməlum şəxsin qarət məqsədilə oranın xəzinədarı Tərxan Namazova bıçaqla xəsarətlər yetirərək cəmiyyətə məxsus 20.000 manat pulu almağa cəhd göstərməsi, lakin səs-küy yarandığından istəyinə nail ola bilməyərək aradan çıxması barədə məlumat daxil olub

Daxili İşlər Nazirliyindən verilən məlumatda deyilir ki, dərhal polis əməkdaşları tərəfindən müvafiq tədbirlər həyata keçirilib. Faktla əlaqədar Cinayət Məcəlləsinin 29.120-ci (qəsdən adam öldürməyə cəhd) maddəsi ilə cinayət işi başlanılıb.

Polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri ilə cinayəti törətməkdə şübhəli bilinən Bakı şəhər sakini, əvvəllər məhkum olunmuş Turan Kubuşov saxlanılıb.

Faktla bağlı araşdırma aparılır.

Çox Oxunanlar