BolgeXeber.Com » Xəbərlər » Mühüm dəyişikliklər gözlənilir – Millət vəkili anons etdi

Mühüm dəyişikliklər gözlənilir – Millət vəkili anons etdi

4-05-2018, 10:46

Oxunub: 2 787 Mühüm dəyişikliklər gözlənilir – Millət vəkili anons etdi

Yeni formalaşmış hökumətin tərkibinə daxil olan nazir və komitə sədrlərindən gözləntilər böyükdür

Yeni kadrların bir qisminin müəyyən dərəcədə həm parlament var, həm ictimai fəaliyyət təcrübəsi var. Təyin olunanların əksəriyyətinin gənc kadrlar olmasına baxmayaraq, onların özünü doğrultması, konkret sahələrdə müəyyən ciddi islahatların aparılması, neqativ halların ortadan qaldırılması, bir çox məsələlərin həllində təşəbbüskarlıqla çıxış edilməsi çox vacibdir.

Bu sözləri Axar.az-a açıqlamasında millət vəkili Fazil Mustafa deyib. Millət vəkili vurğulayıb ki, vəzifəyə yeni gətirilən şəxslər fəaliyyəti ilə ən azı ölkədə müəyyən yeni kadrların təyin olunması prosesinin nə qədər vacib olduğunu göstərməli, prezidentin etimadını doğrultmalıdırlar:

“Bunun üçün də ölkə daxilində bu kimi məsələlərdə geniş islahat paketi ilə çıxış edilməli və Nazirlər Kabineti bu paketi təqdim etməlidir. Bu proses təbii ki, proqrama uyğun olaraq həyata keçirilməlidir. Azərbaycanda tezliklə bu ənənənin ərsəyə gəlməsi çox vacibdir”.

Millət vəkili Bakı Şəhər İcra Hakimiyyətinə rəhbər təyinatının deyil, bələdiyyənin yaradılmasının aktual olduğunu deyib:

“Əslində, hesab edirəm ki, bu istiqamətdə ən vacib addımlardan biri Bakı Şəhər Bələdiyyəsinin yaradılmasından keçir. Bu baş verərsə, ən azından kollegial orqan ölkədə, Bakıda baş verən prosesləri daha ciddi təhlil edib, nəticə çıxara bilər. İdarəetmədə həddindən artıq subyektivliyin tərəfdarı deyiləm. Ən azından kollegial idarəetmənin olması çox yaxşı olardı. Bakı Şəhər Bələdiyyəsinin yaradılması qarşıda duran mühüm addımlardan biri olmalıdır”.

Millət vəkili eyni zamanda, Prezident yanında İctimai Palatanın yaradılmasının vacibliyini də xüsusilə qeyd edib:

“Rusiya və başqa ölkələrdə bu model var. Azərbaycanda da ümumi durumla bağlı ictimaiyyətin tanınmış nümayəndələrinin ölkə başçısına birbaşa bilgi verməsi və müzakirələrdə faydalı tezislərin səslənməsi idarəçiliyə çox böyük bir fayda gətirə bilər”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]