BolgeXeber.Com » Xəbərlər » Hacıqabul rayon Heydər Əliyev Mərkəzində kiçik Zeynəbin əl işlərindən ibarət sərgi açıldı-FOTO

Hacıqabul rayon Heydər Əliyev Mərkəzində kiçik Zeynəbin əl işlərindən ibarət sərgi açıldı-FOTO

28-06-2018, 11:23

Oxunub: 3 315

Hacıqabul rayon Heydər Əliyev Mərkəzində kiçik Zeynəbin əl işlərindən ibarət sərgi açıldı-FOTO

Hacıqabul rayon Heydər Əliyev Mərkəzi artıq neçə illərdi ki, rayonun gənc yetənəklərinin üzə çıxarılması işini sevə-sevə həyata keçirir

2014-cü ildən bu günə kimi neçə-neçə gənc rəssamın, xalça ustasının, müxtəlif əl işləri ilə məşğul olan insanların, gənclərin əl işləri Mərkəzimizdə, rayonumuzda, rayonumuzdan kənarda sərgilənib. Onlara Heydər Əliyev Mərkəzinin Fəxri Fərmanları, Diplomları, qiymətli hədiyyələri təqdim olunub. Neçə-neçə gənc, kiçik yaşlı uşaqlar Mərkəzimizdə açılmış kurslarda öz asudə vaxtlarını səmərəli keçirərək müxtəlif sənət sahibləri olublar. Bu gün sizə Mərkəzimizlə əməkdaşlıq edən və yenicə istedadı, əl qabiliyyəti üzə çıxan bir qız haqqında məlumat verəcəyəm. Qeyd edim ki, bu qızı lap uşaq yaşlarından tanıyıram. İş yoldaşımın sevimli qızı kimi. Amma onun istedadına mən də sizlər kimi yenicə şahid oldum.
28.06.2018-ci il tarixində Hacıqabul rayon Heydər Əliyev Mərkəzində Zeynəb İbrahimlinin əl işlərindən ibarət sərgi açıldı. Zeynəb 5 saylı tam orta məktəbin 7-ci sinif şagirdidir. O çox böyük həvəslə balıqqulaqlarından ibarət müxtəlif əl işləri; səbət, çərçivə, güldan, güllər düzəldib. Zeynəbin arzusu ilə sərgisi ilk dəfə Hacıqabul rayon Heydər Əliyev Mərkəzdə açıldı. Hacıqabul rayon Heydər Əliyev Mərkəzi adından dərs əlaçısı və gözəl əl qabiliyyəti olan Zeynəbə yaradıcılıq uğurları, dərslərində müvəffəqiyyətlər arzulayırıq. Sərgi avqust ayının sonuna qədər davam edəcək. Sərgiyə tamaşa etmək istəyən hamı dəvətlidir.
Bolgexeber.com

Çox Oxunanlar