Bizimlə əlaqə | Reklam

BolgeXeber.Com » Xəbərlər » Sahil Babayevin işçiləri anadangəlmə barmaqları şikəst olan körpəyə əlillik dərəcəsi vermirlər-ŞİKAYƏT

Sahil Babayevin işçiləri anadangəlmə barmaqları şikəst olan körpəyə əlillik dərəcəsi vermirlər-ŞİKAYƏT

30-04-2019, 11:22

Oxunub: 3 202

Balaca Məhəmmədin sol qolu iflic olmaqla iki barmağı yoxdur, sağ əlinin isə iki barmağı şikəstdir

Ucar rayonu Qulabənd kənd sakini Bayramova Nigar Tofiq qızı tərəfindən Bolgexeber.com-a şikayət məktubu ünvanlanıb. Narazı vətəndaş yazır:

"Mənim övladım 21 dekabr 2016-cı il tarixdə dünyaya gəlmiş Bayramov Məhəmməd Xalid oğlu anadan şikəst doğulub.Balaca Məhəmmədin sol qolu iflic olmaqla iki barmağı yoxdur, sağ əlinin isə iki barmağı şikəstdir.Buna görə əlillik dərəcəsi təyin edilməsi üçün sənədləri Əmək və Əhalinin Sosial Müdafiə Nazirliyi yanında Tibbi Sosial Ekspert Komissiyasına gönrəildi.TSEK-ı anadan şikəst doğulmuş balaca Məhəmmədə əlillik dərəcəsi təyin olunmasından qanunsuz olaraq imtina etmişdir.Qeyd edim ki, ilk olaraq biz bunun texniki səhv olmasını düşündük.Ancaq sonradan Ucar rayon xəstəxanasında bizə bildirdilər ki, texniki səhv deyil konkret imtina ediblər.Mən bu qanunsuzluq, biabırçılıq barədə Əmək və Əhalinin Sosial Müdafiə Naziri Sahil Babayevə ərizə ilə müraciət etdim.Ancaq 1 aydan çoxdur ki, nazir Sahil Babayev ərizəmə cavab verməyib.Sonradan mənə bildirdilər ki, Əmək və Əhalinin Sosial Müdafiə Nazirliyi ərizələrə cavab vermir.Həmin nazirlikdə əlilik dərəcəsini ancaq pulla təyin edirlər.

Buna görə də mən mətbuat vasitəsi ilə Azərbaycan Respublikasının Birinci vitse-prezidenti Mehriban xanım Əliyevaya müraciət etməyi qərara aldım.Hörmətli Mehriban xanım sizdən xahiş edirəm bu qanunsuzluq faktını araşdırıb anadan gəlmə şikəst doğulmuş 2 yaşlı övladım Bayramov Məhəmməd Xalid oğluna əlillik dərəcəsi təyin olunmasına köməklik edəsiniz və bu qanunsuzluğu etmiş vəzifəli şəxslərin barəsində ciddi tədbirlər görülməsinə tapşırıq verəsiniz.

Əlaqə telelefon; (050) 642-61-37"

Bolgexeber.com olaraq iddia olunanlarla bağlı bütün tərəflərin mövqelərini işıqlandırmağa hazırıq...

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]