BolgeXeber.Com » Xəbərlər » "Zaminbank"ın filial müdiri mənimsəmədə suçlanır - daha əvvəl nazirlikdə çalışıb

"Zaminbank"ın filial müdiri mənimsəmədə suçlanır - daha əvvəl nazirlikdə çalışıb

25-09-2019, 12:11

Oxunub: 3 096

"Zaminbank"ın filial müdiri və onun işçiləri hakim qarşısına çıxarılıb. Təqsirləndirilən şəxslər çalışdıqları bankın külli miqdarda pulunu mənimsəməkdə ittiham edilirlər.

Bolgexeber.com musavat.com-a istinadən xəbər verir ki, Bakı Ağır Cinayətlər Məhkəməsində "Zaminbank"ın vəzifəli şəxsləri Anar Osmanov, Şahin İlyasov, Anar Həsənov və Zərifə Tağıyevanın cinayət işi üzrə məhkəmə iclası başlayıb.

Hakim Əhməd Quliyevin sədrliyi ilə keçirilən məhkəmənin hazırlıq iclasında təqsirləndirilən şəxslərin anket məlumatları dəqiqləşdirilib.

Anket məlumatlarında yazılır ki, Şahin İlyasov cinayət məsuliyyətinə cəlb edilənə qədər "Zaminbank"ın "Sumqayıt" filialının müdiri olub. İki ali təhsili olan İlyasov ailəlidir.

O, "Zaminbank"dan əvvəl Maliyyə Nazirliyində çalışdığını deyib.

Təqsirləndirilən şəxslərdən Anar Osmanovun orta təhsilli olduğu, bankın xəzinə şöbəsinin müdiri vəzifəsində çalışdığı məlum olub.

Ali təhsilli, ailəli və üç övladı olan təqsirləndirilən Anar Həsənov isə bankın kredit şöbəsinin əməkdaşı olub.

Təqsirləndirilənlərdən Zərifə Abıyeva da bankın əməkdaşı olub.

İş üzrə zərərçəkmiş tərəf- "Zaminbank"ın nümayəndəsi də məhkəmə iclasında iştirak edib.

Onların hər biri ev dustaqlığındadır.

Məhkəmədə hakim Anar Osmanova xəbərdarlıq edib. Çünki o ötən məhkəmə iclasına gəlməyib. Səbəb kimi isə avtomobil qəzasına düşdüyünü deyib. Məhkəmə bunu bəhanə kimi qiymətləndirib.

Hakim Anar Osmanova xəbərdarlıq edib ki, belə hal təkrar edilərsə, onun barəsindəki qətimkan tədbiri dəyişdirilə və həbs edilə bilər.

Anar Osmanov üzrxahlıq edərək bir daha gecikməyəcəyini deyib.

Məhkəmənin baxış iclası oktyabrın 3-nə tətin edilib.

Qeyd edək ki, təqsirləndirilən şəxslərə qarşı Cinayət Məcəlləsinin 179.3.2-ci (mənimsəmə; külli miqdarda törədildikdə) maddəsi ilə ittiham irəli sürülüb. Məlumata görə onlar ayrı-ayrı şəxslərin adına kredit artıraraq bankın pulunu mənimsəyiblər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]