BolgeXeber.Com » Xəbərlər » Fəzail Ağamalı milli televiziya və radio işçilərini təbrik edib

Fəzail Ağamalı milli televiziya və radio işçilərini təbrik edib

6-11-2019, 14:15
Oxunub: 2 397 Fəzail Ağamalı milli televiziya və radio işçilərini təbrik edibAna Vətən Partiyasının sədri Fəzail Ağamalı Radio və Televiziya işçilərinin peşə bayramı münasibəti ilə bütün media nümayəndələrini təbrik edib

Təbrikdə deyilir:
Hörmətli, Radio və Televiziya işçiləri!
Peşə bayramız münasibətilə Sizləri təbrik edir, çətin və şərəfli fəaliyyətinizdə hamınıza uğurlar arzulayıram.
1926-cı il noyabrın 6-da “Danışır Bakı” ifadəsi Azərbaycan xalqının siyasi və mədəni həyatında böyük bir yenilik yaratdı. Ümummilli lider Heydər Əliyevin 1998-ci ildə Azərbaycanda mətbuat üzərindən senzuranı götürməsi, bütün sahələrində olduğu kimi, teleradio sistemində də demokratik prinsiplərə söykənərək ciddi uğurlara imza atdı.
Teleradio fəaliyyəti uzun, keşməkeşli və şərəfli bir yol keçərək hər birimizin həyatının bir parçasına çevrildi.Bu gün teleradioda çalışan soydaşlarımız xalqımızın mədəniyyətini, tarixini və çoxəsrlik milli ənənələrini regionda və dünyada layiqincə təbliğ edirlər.
Bir daha bu əlamətdar gün münasibətilə bütün elektron KİV-də çalışan və yeri gəlmişkən respublikamızda, dünyada baş verən hadisələrin cəmiyyətdə və ölkəmizdə gedən demokratik dəyişikliklərin beynəlxalq aləmə çatdırılmasında, geniş analitik təhlillər aparan, yüksək professionallıq və əsl vətənpərvərlik mövqeyi göstərən jurnalistlərimizi də təbrik edir, onlara işlərində uğurlar arzulayıram!
Bayramınız mübarək!
Hörmətlə,
Fəzail Ağamalı,
Ana Vətən Partiyasının sədri,
Millət vəkili.