BolgeXeber.Com » Xəbərlər » Bakı şəhər DYP -nin sabiq rəisinin inşa etdiyi 30 milyon dəyərində villaları – FOTOLAR

Bakı şəhər DYP -nin sabiq rəisinin inşa etdiyi 30 milyon dəyərində villaları – FOTOLAR

20-01-2020, 11:36

Oxunub: 4 838

Paytaxtın dövlət yol polisində tuğyan etmiş rüşvətxorluqdan, yığılan və hansısa istiqamətə ötürülən böyük pullardan isə bu adamın qəti xəbəri olmayıb və indi də yoxdur

Heç keçmiş DYP rəisinin 2500 manat rüşvət alarkən saxlanılan və işdən qovulan bacısı oğlunun da, N.Səfərovun mənəvi dünyasına heç bir dəlalət etməyib.

Amma… necə deyərlər, görünən dağa nə bələdçi?

İxa.az xəbər verir ki, əldə edilmiş fotolarda, Nuşirəvan Səfərovun Bakının milyonçular yaşayan prestijli rayonunda – Badamdar qəsəbəsi 2-ci yeni massiv, ev 156 ünvanında yertləşən malikanələridir. Fotolardan da məlum olur ki, rəsmi maaşı 1500 manatdan artıq olmayan BDYPİ keçmiş rəisi, bu qədər sərvəti necə yığıb.

Beləki, başında kümbəz, qırmızı örtüklü möhtəşəm saray və onun qarşı tərəfində, yeni tikilməkdə olan ikinci villa çox böyük ehtimalla, N.Səfərov övladına tikdirir. Bu iki villanın yerləşdiyi ərazi, təxminən 1 hektar sahəni əhatə edir! Bilisinizmi, əgər son 7-8 ildə alınıbsa, təkcə bu torpağın bazar qiyməti nə qədər edir? AZI 8-10 MİLYON DOLLAR!

Hazırda, bu iqtisadi böhran şəraitində belə bu ərazidə sənədli torpağın 1 sotu 70-80 min manatdan az deyil!

"Təmiz" insan N.Səfərovun hazırda yaşadığı qırmızı kümbəzli 4 mərtəbəli sarayı nə vaxt tikdiyini və bu tikintiyə nə qədər vəsait xərclədiyini deyə bilmərik. Dəqiq qiymətləndirmə aparmaq üçün evin içini, təmirin səviyyəsini də görmək lazımdır.Amma heç şübhə etmirik ki, ümumi sahəsi 1000 kvadratla ölçülən bu sarayın tikintisi, təmiri, mebel və digər zəruri əşyalarla təmin olunmasına xərclənən pul da MİLYON MANATLARLAölçülüb. Devalvasiya, böhran, tikinti materialları bazarında qiymətlərin od tutub yandığı bu günlərdə tikintisi var gücü ilə davam edən İKİNCİ VİLLAYA nə qədər xərclənəcəyini isə indi özünüz düşünün!

Belə görünür ki, Azərbaycan xalqını diz çökdürən, milyardlarla valyuta ehtiyatı olan dövləti belə çətinə salan bu iqtisadi böhran, cənab Nuşirəvanın yanından, heç yel olub ötə bilməyib.

Ən dəhşətlisi isə bilirsinizmi nədir? İkinci villanın tikintisinə uniformalı DYP əməkdaşları nəzarət edir. Açıq-aşkar. Qorxub-çəkinmədən, utanıb-ar eləmədən!Əməkdaşlarımız iki gün əvvəl ərazidə müşahidə apararkən, şahidi olublar ki, 90—300 dövlət nömrə nişanlı, BMV markalı DYP avtomobilindən düşən 2 gənc DYP əməkdaşı, BMV markalı avtomobildən düşən 23-25 yaşlarında gənclə (Çox böyük ehtimalla bu gənc N.Səfərovun oğludur-red) tikintiyə aid məsələləri danışa-danışa tikinti sahəsinə daxil olublar. “Hansı qanun və haqla N.Səfərov dövlət işçilərini özünün şəxsi təsərrüfatında işlədir?” – deyə soruşmaq olar. Amma biz soruşmuruq, nəyimizə lazım?…

Yeri gəlmişkən, əldə etdiyimiz məlumata görə, ikinci villanın tikildiyi ərazini N.Səfərov qonşusundan bu yaxınlarda alıb, ordakı evi uçuraraq, yerində yeni villanın tikintisinə başlayıb.

Bu təkzibolunmaz faktlar, foto və peyk görüntüləri ondan xəbər verir ki, polkovnik Nuşirəvan Səfərovun hər iki giriş küçəsindən qarşısına şlaqbaum qoyulmuş, təkcə hasarının üzlənməsinə bir sərvət xərclənmiş, Bakının ən prestijli rayonlarından birində yerləşən malikanəsi, ən azı 15 MİLYON DOLLARA başa gəlib!

Əlbəttə, biz bu pulun mənbəyi ilə bağlı konkret heç bir iddia irəli sürmək niyyətində deyilik. Bunu araşdırmaq, zamanı gələndə istintaqın işi olacaq. Amma fikrimizcə, bir müqayisə aparmaq yerinə düşər. Aşağıda təqdim etdiyimiz foto da Badamdar qəsəbəsində çəkilib. Fotodan görünən, N.Səfərovun villaları kimi yan-yana düzülən 3 villanın sahibləri ləğv olunmuş Milli Təhlükəsizlik Nazirliyinin Energetika və Nəqliyyat Sahələrində Təhlükəsizlik Baş İdarəsinin sabiq rəisi Akif Çovdarov və onun övladlarıdır. Diqqət etsəniz, görərsiniz ki, N.Səfərovun villası, A.Çovdarovun villasından da möhtəşəmdir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]