Bizimlə əlaqə | Reklam
BolgeXeber.Com » Xəbərlər » Azərbaycanda faciə: 16 yaşlı gəlin toydan iki həftə sonra öldü

Azərbaycanda faciə: 16 yaşlı gəlin toydan iki həftə sonra öldü

29-01-2020, 17:29
Oxunub: 6 032 Azərbaycanda faciə: 16 yaşlı gəlin toydan iki həftə sonra öldüMasallı rayonunda erkən nikah faciə ilə başa çatıb.

Yanvarın 29-da Xoşçobanlı kəndində naməlum şəraitdə 16 yaşlı gəlin ölüb.

Bu barədə Oxu.Az-a rayonun hüquq-mühafizə orqanlarından informasiya verilib.

Əldə etdiyimiz məlumata görə, iki həftə əvvəl Həsənli kənd sakini, 2003-cü il təvəllüdlü Qəmbərova Fatimə Mais qızı Xoşçobanlı kənd sakininə ərə gedib. Yeni evlənən bəyin isə 19 yaşı olub.

Hazırda F.Qəmbərovanın meyiti morqda saxlanılır. Ölüm səbəbi hələlik müəyyən edilməyib.

Qızın yaxın qohumlarının ilkin sorğusu onun ağciyər xəstəliyindən, ehtimal ki, bronxial astmadan əziyyət çəkdiyini göstərib.

Bu erkən nikaha gənclərin qohumlarının müraciət etdiyi Masallı Rayon İcra Hakimiyyətinin icazə verdiyi məlumdur. Bununla belə, qızın sağlamlıq vəziyyəti nəzərə alınmayıb.

Rayon prokurorluğu tərəfindən faktla bağlı araşdırma aparılır.

Ramella İbrahimxəlilova
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]