BolgeXeber.Com » Xəbərlər » Prokurorluq Gəncədəki ölüm faktı ilə bağlı məlumat yaydı

Prokurorluq Gəncədəki ölüm faktı ilə bağlı məlumat yaydı

22-06-2020, 10:25
Oxunub: 896 İyunun 21-də saat 22 radələrində Gəncə şəhər sakini 1968-ci il təvəllüdlü Fuad Qurbanovun ölməsi barədə məlumat daxil olmuşdur. Bu barədə Bolgexeber.com-a Gəncə şəhər prokurorluğundan verilən məlumatda deyilir.

Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, izahatlar alınmış və digər zəruri prosessual hərəkətlər yerinə yetirilmişdir.

İlkin araşdırmalarla müəyyən edilmişdir ki, Fuad Qurbanov yaşadığı evdə təmir-tikinti işləri apararkən beton plitənin üzərinə düşməsi nəticəsində ağır dərəcəli bədən xəsarətləri almış, aldığı xəsarətlərdən yerləşdirildiyi xəstəxanada ölmüşdür.

Hazırda faktla bağlı şəhər prokurorluğunda araşdırmalar davam etdirilir.