BolgeXeber.Com » Xəbərlər » Tofiq Yaqublu aclıq aksiyasını dayandırdı - Həkimi açıqladı

Tofiq Yaqublu aclıq aksiyasını dayandırdı - Həkimi açıqladı

18-09-2020, 17:36
Oxunub: 2 635 Müsavat Partiyasının fəalı Tofiq Yaqublu aclıq aksiyasını dayandırıb.
Bu barədə həkim Adil Qeybulla bildirib.
Onun sözlərinə görə, hazırda T.Yaqublu qida qəbul eləməyə başlayıb:
"Tofiq Yaqublunun səhhəti kafidir. Aclıq aksiyasını dayandırıb. Vəziyyətinə baxaq, ya bu gün, ya da sabah evə buraxılacaq”.
Qeyd edək ki, Nizami Rayon Məhkəməsi T.Yaqublunun 4 il 3 ay müddətinə azadlıqdan məhrum edilməsi barədə hökm çıxarıb. Şikayət həmin hökmdən verilib.
İttihama görə, avtomobil qəzası zamanı T.Yaqublu digər maşının sürücüsünü və onun yanında olan həyat yoldaşını təhqir edib, vurub, sürücüyə vintaçanla xəsarət yetirib. O, ittihamları qəbul etmədiyini bildirir.
T.Yaqublu 17 gündür aclıq aksiyası keçirirdi. O, sentyabrın 12-də istintaq təcridxanasından "City Hospital"a köçürülüb.
Bu gün Bakı Apelyasiya Məhkəməsinin qərarı ilə T.Yaqublu barədə həbs qətimkan tədbiri ev dustaqlığı qətimkan tədbiri ilə əvəz edilib.