Səfərbərlik Xidmətinin həkim komissiyasının sədri rüşvət almaqda ittiham olunur
7-12-2021, 14:00
Oxunub: 1 352
Bakı Ağır Cinayətlər Məhkəməsində rüşvət almaqda təqsirləndirilən Nazilə Rəhmanovanın cinayət işi üzrə məhkəmə iclası başa çatıb.
Hakim Azər Paşayevin sədrliyi ilə keçirilən prosesdə hökm oxunub.
Hökmə əsasən, o, 4 il müddətinə azadlıqdan məhrum edilib.
Eyni zamanda, N.Rəhmanovaya Cinayət Məcəlləsinin (CM) 70-ci maddəsi (şərti məhkum etmə) tətbiq edilib və təqsirləndirilən şəxsə şərti cəza təyin olunub.
Qeyd edək ki, N.Rəhmanova əvvəllər Səfərbərlik və Hərbi Xidmətə Çağırış üzrə Dövlət Xidmətinin Suraxanı Rayon İdarəsinin Hərbi Həkim Komissiyasının sədri vəzifəsində və M.Ə.Əfəndiyev adına 2 saylı Şəhər Klinik Xəstəxanasında həkim işləyib.
İttiham aktına əsasən, o, Hərbi Həkim Komissiyasının sədri vəzifəsində çalışan zaman çağırışçılardan hərbi xidmətə yararsız hesab edilmələri üçün rüşvət alıb və qarşılığında həmin çağırışçıların hərbi xidmətə yararsız olmaları ilə bağlı saxta tibbi sənədlər verib.
Hüquq-mühafizə orqanları əməkdaşları tərəfindən saxlanılan N.Rəhmanova barəsində başqa yerə getməmək haqqında iltizam qətimkan tədbiri seçilib.
İstintaq dövründə onun barəsində 311.1-ci (rüşvət alma) maddəsi ilə ittiham irəli sürülüb.
Təqsirləndirilən şəxs məhkəmə iclasında verdiyi ifadəsində özünü təqsirli bilmədiyini deyib. N.Rəhmanova dindirilən zaman söyləyib ki, o, 39 ildir həkim işləyib.
Təqsirləndirilən şəxs bildirib ki, Səfərbərlik və Hərbi Xidmətə Çağırış üzrə Dövlət Xidmətinin Suraxanı Rayon İdarəsinin Hərbi Həkim Komissiyasının sədri vəzifəsində çalışıb və vəzifəsi komissiyaya müraciət edən şəxslərin həkimlər tərəfindən müayinə edilməsindən sonra vəziyyəti komisara məruzə etmək olub. N.Rəhmanova ifadəsində heç kəsdən pul almadığını deyib.
///Report
Çox Oxunanlar
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 11-05-2024, 17:48 : Bakıda daha bir YENİLİK
Xəbərlər / Ölkə
- 4-05-2024, 17:28 : XİN rəsmi məlumat yaydı
Siyasət / Xəbərlər
- 18-05-2024, 17:31 : Prezident və xanımı Zəngilan məscidinin açılışını edib
Siyasət / Xəbərlər
- 1-05-2024, 17:35 : Ermənistanda yeniyetmə minaya düşdü
Dünya / Xəbərlər
- 27-04-2024, 17:55 : Şeytan çarxı fəaliyyətini dayandırıb?
Xəbərlər / Ölkə
- 30-04-2024, 14:11 : “Qarabağ” - “Neftçi” oyununun stadionu dəyişdirilib
İdman
- 6-05-2024, 14:39 : Ölkəmiz regionda bir çox regional və qlobal təşəbbüslərin müəllifidir
Analitika / Xəbərlər
- 6-05-2024, 15:58 : Azərbaycan COP29-a yekdil qərarla ev sahibliyi edən ölkə seçildi
Analitika / Xəbərlər
- 26-04-2024, 16:25 : Xocalı lalələrlə bəzənib
Bölgə / Xəbərlər