Bizimlə əlaqə | Reklam
BolgeXeber.Com » Siyasət » İsgəndərovların obyektlərinin söküntüsünə başlanıldı

İsgəndərovların obyektlərinin söküntüsünə başlanıldı

21-09-2011, 16:30
Oxunub: 5 420 Bu yaxınlarda vəzifəsindən azad edilən Təhsil Nazirinin müavini İsgəndər İsgəndərovun Sumqayıtdakı obyektlərinin söküntüsünə başlanılıb.

Sumqayıt şəhər sakinlərinin Bolgexebercom-a verdiyi məlumata görə, sabiq müavinin gəlini işlədiyi 1N-li bağçadan çıxarılıb. Şəhər icra hakimiyyəti isə sənədlərin qaydasında olmadığını əsas gətirərək İ.İsgəndərovun qardaşı Zaman İsgəndərova məxsus “Cavid” ticarət mərkəzinin sökülməsi barədə tapşırıq verib. Əldə etdiyimiz məlumata görə, ticarət mərkəzinin yerində Bayraq meydanının tikintisi planlaşdırılır. Söküntüsü barədə əmr verilən digər bir obyekt isə Sülh küçəsində yerləşən keçmiş müavinin oğlu Rüfət İsgəndərov məxsus “Eqzotika” bar-restoranıdır.

Verilən məlumata görə, iki mərtəbədən ibarət olan bar-restoranın 1-ci mərtəbəsi çayxana, ikinci mərtəbəsi isə bar kimi fəaliyyət göstərir. Bar əxlaqsızlıq yuvası kimi fəaliyyət göstərdiyindən sakinlərin narazılığı nəzərə alınaraq onu bağlasalar da sonradan açıblar. Lakin atasının vəzifədən azad olunmasından sonra obyektin sökülməsi barədə tapşırıq verilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]