BolgeXeber.Com » Siyasət » Fransa prezidenti Azərbaycanda rəsmi səfərdədir

Fransa prezidenti Azərbaycanda rəsmi səfərdədir

12-05-2014, 09:20

Oxunub: 2 916

Azərbaycanda rəsmi səfərdə olan Fransa prezidenti Fransua Ollandın bu gün rəsmi qarşılanma mərasimi olub.

Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.

Fransa prezidenti Fransua Ollandı prezident İlham Əliyev qarşılayıb.

Fəxri qarovul dəstəsinin rəisi Fransa prezidentinə raport verib. Fransa və Azərbaycan dövlət himnləri səslənib. Dövlət başçıları fəxri qarovul dəstəsinin qarşısından keçiblər.

Fransa prezidenti Azərbaycan əsgərlərini salamlayıb.

Azərbaycan dövlət və hökumət nümayəndələri Fransa prezidentinə, Fransa nümayəndə heyətinin üzvləri prezident İlham Əliyevə təqdim olunub. Fəxri qarovul dəstəsi hərbi marşın sədaları altında dövlət başçılarının qarşısından keçib.

Prezidentlər rəsmi foto çəkdiriblər.

Çox Oxunanlar