Bizimlə əlaqə | Reklam
BolgeXeber.Com » Siyasət » İsa Qəmbərin oğlu da Hacıbala Abutalıbovu məhkəməyə verir

İsa Qəmbərin oğlu da Hacıbala Abutalıbovu məhkəməyə verir

17-05-2014, 12:40
Oxunub: 5 515 Müxalifətdə təmsil olunan gənclər təşkilatlarının bir qrupu Bakı Şəhər İcra Hakimiyyəti barəsində məhkəməyə müraciət edəcək.
Bu barədə AzNews.az-a “Nida” Vətəndaş Hərəkatının rəhbər heyətinin üzvü Turqut Qəmbər deyib.

Onun sözlərinə görə, növbəti həftə məhkəməyə müraciət edilməsi ilə bağlı bir daha müzakirə aparacaqlar: “Gənclər təşkilatı olaraq bu absurd imtina məktubuna görə, Bakı Şəhər İcra Hakimiyyətini məhkəməyə verməyə planlaşdırırıq. Amma məhkəməyə müraciət edilməsi məsələsinin bir daha müzakirəyə ehtiyacı var. İstənilən halda qərar mətbuata açıqlanacaq”.

T.Qəmbər BŞİH-ya aksiya ilə bağlı yenidən müraciət olunması məsələsini də istisna etməyib.

Xatırladaq ki, altı qurum - Müsavat Partiyası, Azərbaycan Xalq Cəbhəsi Partiyası, Vətəndaş Həmrəyliyi Partiyası, “Nida” Vətəndaş Hərəkatı, “Azad Gənclik” Təşkilatı və REAL Hərəkatı mayın 18-də Bakının Yasamal rayonunda yerləşən “Məhsul” stadionunda mitinq keçirmək üçün Bakı Şəhər İcra Hakimiyyətinə müraciət edib.
Bakı Şəhər İcra Hakimiyyəti isə bu aksiyanın keçirilməsini məqsəduyğun hesab etməyib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]