BolgeXeber.Com » Siyasət » Eynulla Fətullayevin təşkilati qeydə alındı

Eynulla Fətullayevin təşkilati qeydə alındı

1-11-2011, 18:10

Oxunub: 4 880

Ədliyyə Nazirliyi “İnsan Haqları Uğrunda” İctimai Birliyi rəsmən qeydə aldı.

Bu barədə açıqlama verən birliyin sədri Eynulla Fətullayev bildirib ki, qurumun qeydə alınması üçün Ədliyyə Nazirliyinə sənədlər iyunun sonunda təqdim olunub. Bir neçə aylıq araşdırmadan sonra bu gün nazirlikdən “İnsan Haqları Uğrunda” İctimai Birliyin rəsmən qeydə alınması barədə məlumat verilib.
“İnsan Haqları Uğrunda” İctimai Birlik Ədliyyə Nazirliyinin bu xoş niyyətini yüksək qiymətləndirir və insan haqlarının müdafiəsində müvafiq dövlət qurumları ilə konstruktiv əməkdaşlığa ümid edir. Eyni zamanda təşkilat alternativ preventiv mexanizminin formalaşmasında iştirak edən ictimai qüvvə olaraq həbsxanalarda ciddi monitorinqin həyata keçirilməsi işində Avropa Penitensiar qaydalarının tətbiqinə cidd-cəhdlə çalışacaq. “İnsan Haqları Uğrunda” İctimai Birlik artıq bu aydan etibarən alternativ preventiv mexanizmin çərçivəsində həbsxanalarda, istintaq təcridxanalarında və cəzaçəkmə müəssisələrində monitorinqlərə başlamaq niyyətindədir.

Çox Oxunanlar