BolgeXeber.Com » Siyasət » Krım tatarlarının lideri siyasətdən getdi

Krım tatarlarının lideri siyasətdən getdi

8-11-2011, 13:20

Oxunub: 4 512

Ukrayna Ali Radasının deputatı, Krım-Tatar Xalq Məclisinin rəhbəri Mustafa Cəmil (Cəmilov) siyasi karyerasını başa vurduğunu açıqlayıb. Bolgexeber.com-un, “Kommersant-Uktayna” qəzetinə istinadən verdiyi məlumata görə, Cəmil parlament seçkisində iştirak etməyəcəyinə və Məclis rəhbəri postuna namizədliyini irəli sürməyəcəyinə söz verib. “Mən qocalmışam və gənclərə yol açmaq istəyirəm”. Cəmil bu bəyanatla Ukrayna prezidenti Viktor Yanukoviç tərəfindən Krımın yeni baş naziri postuna namizədin razılaşdırılmasından sonra çıxış edib. Qeyd edək ki, 1943-cü ilin noyabrında Krımda anadan olmuş Mustafa Cəmil əvvəllər də 2 dəfə - 2007-ci və 2009-cu illərdə Məclis rəhbərliyindən istefa verməyə cəhd edib. Lakin qurultay nümayəndələrinin çoxu onun istefasını qəbul etməyib. Onlar bildiriblər ki, Məclisin Nizamnaməsində səlahiyyətlərin könüllü təhvil verilməsi barədə bənd yoxdur. Lakin bu dəfə Cəmil qaydalardakı boşluğu tapıb: “Yeganə çıxış yolu qurultay nümayəndəliyinə namizədlik verməməkdir. Çünki sədri nümayəndələr arasından seçirlər”. Lakin o, söz verib ki, Məclisin növbəti sədrinə kömək edəcək. Mustafa Cəmil 1991-ci ildən Krım-Tatar Xalq Məclisinin sədri, 1998-ci ildən Ukrayna Ali Radasının deputatıdır.

Çox Oxunanlar