Bizimlə əlaqə | Reklam
BolgeXeber.Com » Siyasət » Deputatın qardaşı pul paylayır

Deputatın qardaşı pul paylayır

2-10-2010, 17:35
Oxunub: 9 082

Gülhüseyn Əhmədovun qardaşı Xanhüseyn Əhmədov səs yığmaq üçün başqa yol tapa bilməyib

62 saylı Saatlı seçki dairəsindən namizədliyini irəli sürmüş deputat Gülhüseyn Əhmədov indiyə qədər qazanmadağı hörmət üzündən seçkilərdə səs yığa bilməyəcəyinin fərqinə varıb."Bolgexeber"-ə verilən məlumatda deyilir ki, deputat hətta imzatoplama kampaniyası çərçivəsində bir sıra problemlərlə üzləşdiyindən belə bir qənaətə gəlib.

Mənbə bildirir ki, seçkilərdə əhalidən səs ala bilməyəcəyini görən G.Əhmədov belə qərara gəlib ki, vəziyyəti dəyişmək üçün bəzi addımlar atsın. Həmin addımlardan biri də əhalini pulla ələ almaqdan ibarətdir. "Bolgexeber"-ə çatan məlumatlara görə, iki gün əvvəl deputatın qardaşı Xanhüseyn Əhmədov (Meşə Təsərrüfatı İdarəsinin müdiri və rayonda oliqarx kimi tanınır -red.) camaatı başına yığaraq, pul paylamaqla məşğul olub. Belə ki, o, Saatlı rayon İcra Hakimiyyətinin binasının düz böyründə camaatı başına yığaraq, onlara nümayişkəranə şəkildə pul paylayıb.

P.S. Xatırladaq ki, Xanhüseyn Əhmədovun başqa bir qalmaqallı işi meydana çıxıb. Belə ki, onun rayonda 1500 hektar torpaq sahəsini qeyri-qanuni olaraq zəbt etməsi və bu sahələrə görə, dövlətdən hər hektara görə, 40 manat aldığı barədə məlumatlar var. Yaxın günlərdə bununla bağlı məlumatları diqqətinizə çatdıracağıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]