Bizimlə əlaqə | Reklam
BolgeXeber.Com » Siyasət » Fransadan Türkiyəyə çağırış

Fransadan Türkiyəyə çağırış

23-01-2012, 17:25
Oxunub: 5 859 Fransa XİN: "Türkiyəni sakit olmağa dəvət edirik"

Bu gün Fransa Senatında qondarma “erməni soyqırımı”nı inkar edənlərin cəzalandırılması haqqında qanun layihəsi müzakirə ediləcək. Səsverməyə bir necə saat qalmış Fransanın Xarici İşlər Nazirliyinin rəsmisi Türkiyəyə çağırış edib.

Türkiyədən gələn sərt reaksiyalara cavab olaraq Fransa XİN sözçüsü Bernard Valero Türkiyənin çox önəmli müttəfiq olduğunu bildirib: "Türkiyəni sakit olmağa çağırırıq. Türkiyə Fransanın çox önəmli bir ortağıdır".

Cümhuriyyətçi Birlik Qrupundan Fransa Senatının üzvləri Natali Qule qanun layihəsinin böyük ehtimalla qəbul ediləcəyini, ancaq özü kimi təklifə qarşı çıxan senator və millət vəkillərinin Konsitutsiya Məhkəməsinə müraciət edəcəklərini deyib. "Mən və qrupum layihəyə qarşıyıq. Tarixi məqamlara parlamentin qərar verməməli olduğunu düşünürük. Bu bizim işimiz deyil".

Qulenin sözlərinə görə, istər senatda, istərsə də parlamentdə çox sayda millət vəkili bunun konstitusiyaya zidd olduğunu düşünür və layihəyə isti münasibət bəsləmirlər: "Biz ən azı 60 millət vəkili və senatorun imzasını toplayıb, qanunun ləğvi üçün Konstitusiya Məhkəməsinə müraciət hazırlayırıq".

Qule bu məsələni türklərin və ermənilərin həll etməsi gərəkdiyini düşündüyünü qeyd edib. "60 cəsur fransız siyasətçi tapaçağımıza inanıram", - deyə o vurğulayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]