BolgeXeber.Com » Siyasət » Oqtay Əsədov: “Ermənistan razılaşmasa, çox peşman olacaq”

Oqtay Əsədov: “Ermənistan razılaşmasa, çox peşman olacaq”

24-02-2012, 12:25
Oxunub: 2 115 Xocalı soyqırımına qədər erməni millətçiləri azərbaycanlılara qarşı bir neçə dəfə soyqırım törədiblər.

Bolgexeber.com-un verdiyi məlumata görə, bunu Milli Məclisin Xocalı soyqırımının 20 illiyinə həsr olunmuş xüsusi iclasında spiker Oqtay Əsədov söyləyib.

Spiker erməni millətçilərin Şərqi Anadoluda da soyqırım törətdiyini vurğulayıb. Oqtay Əsədov deyib ki, Xocalı soyqırımı bunların ən böyüyü və daha dəhşətlisi olub. O bildirib ki, sülh danışıqları nəticə verməsə, başqa yoldan istifadə ediləcək: “Ermənistan bu gün ona təklif olunan şərtlərə razılıq verməsə, çox peşman olacaq”.

Məclis sədrinin çıxışından sonra Xocalı soyqırımı ilə bağlı film nümayiş etdirilib.