BolgeXeber.Com » Siyasət » Gədəbəyin İcra başçısı Bakiya çağırıldı

Gədəbəyin İcra başçısı Bakiya çağırıldı

28-02-2012, 11:15
Oxunub: 2 755 Kamran Rzazadədən şikayətlər çoxaldığı üçün onu sərt cəza gözləyir

Gədəbəy Rayon İcra Hakimiyyətinin başçısı Kamran Rzazadə dünən təcili olaraq Bakıya çağırılıb. Bu barədə redaksiyamıza məlumat verən mənbə bildirdi ki, K.Rzazadənin Bakıya çağırılmasına səbəb Gədəbəydən onun barəsində Prezident Administrasiyasına daxil olan şikayət məktublarının sayının artmasıdır.

İcra başçısını hansı cəza gözləyəcəyi hələlik bəlli deyil. Mənbə əlavə etdi ki, 2005-ci ildə keçirilən parlament seçkilərində Gədəbəydəki 103 saylı seçki dairəsində keçirilən seçkilərin nəticələri qanunsuz hesab edildiyi üçün nəticələr ləğv edilib və 2006-ci ilin may ayında təkrar seçki keçirilib. Konstitusiya Məhkəməsi həmin dairədəki nəticələri ləğv etməsi ilə bağlı qərarında seçkilərin düzgün keçirilməməsində rayon icra hakimiyyətinin qüsurlu fəaliyyət göstərilib. Bu da icra başçısının fəaliyyətində mənfi hal kimi göstərilir.

Xatırladaq ki, ötən ilin yanvarın 20-də Gədəbəyin Zamanlı sakini Ədalət Hüseynov rayonda məmur özbaşınalığından bezərək yaşadığı evə od vuraraq özünü və ailə üzvlərini yandırmışdı. Hadisə zamanı o özü yanaraq ölmüşdü. Ə.Hüseynova intihar etməsində Gədəbəy Meşə Mühafizəsi və Bərpası direktoru Vasif Nəbiyev də rolu olduğu bildirilirdi. V.Nəbyev isə K.Rzazadənin bacanaq olmaqla yanaşı həm də Rzazadənin həyat yoldaşının əmisi oğludur.

Yazı ilə bağlı K.Rzazadənin mövqeyini öyrənməyə hazırıq../musavat.com/