Bizimlə əlaqə | Reklam
BolgeXeber.Com » Siyasət » Müsavat qurultayı xaricdə keçirəcək

Müsavat qurultayı xaricdə keçirəcək

8-05-2012, 13:15
Oxunub: 5 916 Müsavat Partiyasının Qurultaya Hazırlıq üzrə Təşkilat Komitəsinin (QHTK) toplantısı keçirilib.

Partiyanın mətbuat xidmətindən verilən xəbərə görə, toplantıda partiya nizamnaməsinə və proqramına əlavə və dəyişikliklərlə bağlı son təkliflər müzakirə olunub.
Eyni zamanda Qurultayın xaricdə keçirilməsi üçün yerin alınması ilə bağlı fikir mübadiləsi aparılıb. İndiyədək edilmiş müzakirələrə verilmiş cavabları təhlil edərək, yenidən Bakı şəhəri İcra Hakimiyyətinə müraciət edilməsi qərara alınıb.

Həmçinin hakimiyyətin bu dəfə də normal yer təklif etmədiyi halda qurultayın keçirilməsinə şərait yaradılması üçün Türkiyə və Gürcüstan hökumətlərinə müraciət ediləcəyi qərarı verilib. Qurultayın xaricdə keçirilməsi variantının daha da aktuallaşacağını nəzərə alaraq, QHTK pasportu olmayan qurultay nümayəndələrinə indidən ümumvətəndaşlıq pasportu almalarını tövsiyə edib.

Qeyd edək ki, bir neçə aydır partiya və hakimiyyət strukturları arasında gedən danışıqlar heç bir nəticə vermir, Müsavata qurultay keçirmək üçün yer ayrılmır. Buna baxmayaraq, hakimiyyət iqtidara yaxın təşkilatlara, o cümlədən qeyri-hökumət təşkilatlarına ölkənin ən ali saraylarında siyasi tədbir keçirməyə şərait yaradır.

Müsavat bu davranışı ayrı-seçkilik kimi qiymətləndirir.

Musavat.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]