BolgeXeber.Com » Siyasət » AVP seçkilərdən razı qalıb

AVP seçkilərdən razı qalıb

10-11-2010, 18:35

Oxunub: 7 848

“Keçirilən parlament seçkilərinin Azərbaycan Respublikası Seçki Məcəlləsinə və beynəlxalq standartlara uyğun keçməsi, xalqımızın demokratik dəyərlərə sədaqətini bir daha nümayiş etdirib”.

Bu fikirlər Ana Vətən Partiyasının parlament seçkiləri ilə bağlı yaydığı açıqlamada yer alıb. Partiyanın mətbuat xidmətindən "Bolgexeber" -ə daxil olan açıqlamada bildirilir ki, partiyanın namizədlərinin, səlahiyyətli nümayəndələrinin və müşahidəçilərinin verdiyi məlumatlar birmənalı şəkildə sübut edir ki, seçkiöncəsi təşviqat kampaniyası zamanı seçkidə iştirak edən bütün namizədlərə bərabər imkanlar və şərait yaradılıb, təbliğat prosesində hər şansı məhdudlaşdırıcı hallar baş verməyib.

Seçki marafonunu səsvermə gününə kimi davam etdirən Ana Vətən Partiyasının yeddi namizədindən ikisi – partiyanın sədri Fəzail Ağamalı və sədr müavini Zahid Oruc müvafiq olaraq 60 saylı Salyan-Neftçala və 93 saylı Bərdə şəhər seçki dairəsindən seçicilərin əksər səsini qazanaraq mandat qazanmış, daha 5 namizədimiz isə üst-üstə 7417 səs alaraq, çoxsaylı namizədlər arasında 3-cü olublar.

AVP birmənalı olaraq bəyan edir ki, seçkinin nəticələri legitimdir və o, xalqımızın siyasi iradəsini ifadə edir. Bunu ATƏT, AŞPA, Avropa parlamenti, MDB Seçki Müşahidə Missiyası və digər qurumlardan olan müşahidəçilər də öz rəylərində ifadə ediblər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]