Bizimlə əlaqə | Reklam
BolgeXeber.Com » Siyasət » Azərbaycanda partiya sədrinin müavini həbsxanada öldü

Azərbaycanda partiya sədrinin müavini həbsxanada öldü

12-07-2012, 11:40
Oxunub: 5 543 AİP-in həbsdə olan sədr müavini Vaqif Abdullayev dünyasını dəyişib.

Bu barədə FaktXeber.com-a mərhumun yaxınları məlumat verib. Ailə üzvlərinin verdiyi məlumata görə, Vaqif Abdullayev Pentensiar Xidmətinin Müalicə müəssisəsində dünyasını dəyişib. Ailə üzvləri həmçinin bildiriblər ki, dünən Vaqif Abdullayevlə görüşmək istəmələrinə baxmayaraq, onlara görüş üçün icazə verilməyib.

Qeyd edək ki, bir müddət öncə Vaqif Abdullayevin qan nümunələri Onkologiya xəstəxanasına göndərildikdən sonra məlum olub ki, AİP funksionerinin qanında xərçəng xəstəliyi var. Həkimlər onun xəstəliyi ilə əlaqədar qapalı şəraitdə saxlanıla bilməməsi rəyini verməyiblər. Buna baxmayaraq onun azadlığa buraxılmasına və ailə üzvləri ilə görüşünə icazə verilməmişdi.

Xatırladaq ki, Vaqif Abdullayev 2011-ci ilin yanvarın 7-də yol polisi tərəfindən saxlanılıb və barəsində Nərimanov rayon məhkəməsi tərəfindən 15 sutka inzibati həbs tənbeh tədbiri tətbiq edilib. Daha sonra barəsində 3 aylıq həbs qəti imkan tədbiri seçilərək, Azərbaycan Respublikası Cinayət Məcəlləsinin 28, 214.2.1, 28, 214.2.3, 228.3 və 278-ci maddələri üzrə istintaqa cəlb edilib. Bakı Ağır Cinayətlər məhkəməsinin 7 oktyabr 2011– ci il tarixli hökmü ilə Vaqif Abdullayev 11 il müddətinə azadlıqdan məhrum edilib. AİP funksionerinin apelyasiya şikayəti təmin olunmayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]