BolgeXeber.Com » Siyasət » Milli Məclisin yaz sessiyasında 128 qanun və qərar qəbul olunub

Milli Məclisin yaz sessiyasında 128 qanun və qərar qəbul olunub

17-07-2012, 12:35
Oxunub: 3 917 Azərbaycan Milli Məclisinin 2012-ci il yaz və növbədənkənar sessiyaları dövründə parlamentin 13 iclası keçirilib, 128 qanun və qərar qəbul olunub.

APA-nın məlumatına görə, bu barədə Milli Məclisin yaz və növbədənkənar sessiyalarının yekununa dair mətbuat konfransında parlament sədrinin müavini Bahar Muradova bildirib.

Vitse-spikerin sözlərinə görə, iclaslardan 11-i yaz sessiyasının dövrünə düşüb. Növbədənkənar sessiya dövründə isə parlamentin 2 iclası keçirilib. Sessiyalar ərzində komitələrin 68 iclası keçirilib, 157 qanun və 8 qərar layihəsinə baxılıb. Bütövlükdə komitələrdə 184 məsələ müzakirə edilib.

Ötən dövrdə Milli Məclisin təşkilatçılığı ilə Bakıda Avronest Parlament Assambleyasının sessiyası keçirilib. Milli Məclisdə dünyanın 70 ölkəsi ilə parlamentlərarası dostluq qrupları yaradılıb.

Cari ilin birinci yarısında Milli Məclisə vətəndaşlardan 2312 təklif, ərizə və şikayət daxil olub. Parlamentdə 2201 vətəndaş qəbul edilib. Yaz və növbədənkənar sessiyalar dövründə Milli Məclisdə 58 KİV akkreditə olunub. Parlamentin iclaslarını 14 televiziya və radio, 30 qəzet və 14 agentlik işıqlandırıb.