Bizimlə əlaqə | Reklam
BolgeXeber.Com » Siyasət » Ketrin Eşton Qarabağdakı seçkilərdən danışdı

Ketrin Eşton Qarabağdakı seçkilərdən danışdı

19-07-2012, 00:20
Oxunub: 5 996 Ketrin Eşton Dağlıq Qarabağ bölgəsində keçirilən «prezident seçkiləri» ilə bağlı bəyanat verib

«İyulun 19-da Dağlıq Qarabağda «prezident seçkiləri» keçiriləcək. Mən qeyd etmək istərdim ki, Avropa İttifaqı seçkilərin keçiriləcəyi konstitusion və hüquqi çərçivələri tanımır. Bu «seçkilər» münaqişənin sülh yolu ilə nizamlanması barədə danışıqların əsas çərçivəsinin gedişində Dağlıq Qarabağın gələcək statusunun müəyyən edilməsinə zərər yetirməməlidir».

APA-nın məlumatına görə, bu barədə Avropa Birliyinin xarici işlər və təhlükəsizlik siyasəti üzrə ali nümayəndəsi Ketrin Eştonun bu gün yayılmış bəyanatında deyilir.

Bəyanatda K. Eşton ATƏT-in Minsk Qrupunu və həmsədrlərin münaqişənin dinc yolla həll olunması üçün göstərdikləri səyləri bir daha dəstəkləyib.

«Mən tərəfləri münaqişənin danışıqlar yolu ilə Madrid prinsipləri əsasında həll yolunun tapılması üzrə səylərini fəallaşdırmağa çağırıram. Mən Avropa Birliyinin bu istiqamətdəki səylərə bundan sonra da dəstək verəcəyini təsdiqləyirəm», deyə AB ali nümayəndəsi bəyan edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]