BolgeXeber.Com » Siyasət » Millət vəkili jurnalistləri təbrik etdi

Millət vəkili jurnalistləri təbrik etdi

22-07-2012, 15:20
Oxunub: 4 298 Millət vəkili Nəriman Əliyev 22 iyul Milli Mətbuat Günü münasibəti ilə Bolgexeber.Com saytını, o cümlədən bütün mətbuat işçilərini təbrik edib.

Təbrik deyilir:

“Hörmətli media nümayəndələri!


“Bu gün nəinki mətbuatımız, ümumilikdə cəmiyyyətimiz üçün xüsusi əhəmiyyət daşıyır. Əsası Həsən Bəy Zərdabi tərəfindən Əkinçi qəzeti ilə qoyulan milli mətbuatımızın müstəqillik dövründəki inkişafında, Ümummilli Lider Heydər Əliyev və onun layiqli davamçısı İlham Əliyev cənablarının xidmətləri, eləcə də sizin zəhmətiniz qiymətləndirilməlidir.

Siz jurnalistlərin səyi nəticəsində ölkə rəhbərliyi tərəfindən mətbuata göstərilən yüksək qayğı, bu gün göz önündədir. Bu xidmətləri inkar etməyin Vətənə nankorluq olduğunu da vurğulamaq yerinə düşər. Arzu edirəm ki, milli dəyərlərimiz və Azərbaycançılıq ideyalarına daim sadiq qalan yazarlar məktəbinin formalaşmasında, sizin də gündən-günə artan xidmətləriniz və uğurlarınız olsun.

Sizi bir daha təbrik edir, fəaliyyətinizdə yeni-yeni nailiyyətlər arzu edirəm”.

Bolgexeber.com kollektivi adından, biz də öz növbəmizdə millət vəkilinə təşəkkür edir, həyatında və deputatlıq fəaliyyətində uğurlar arzu edirik.