Kütləvi dava deputatın çayxanasında düşübmüş
25-07-2012, 12:15
Oxunub: 5 449
İki oliqarxın qoçuları Adil Əliyevin obyektində dalaşıb“Yeni Müsavat”ın 24 iyul tarixli sayında iki nüfuzlu məmurun qoçu dəstələri arasındakı dəhşətli və qanlı “razborka” barədə yazı dərc olunmuşdu. “İki oliqarxın adamları arasında kütləvi dava” başlıqlı yazıda deyilirdi ki, bu yaxınlarda ARDNŞ və AFFA prezidenti Rövnəq Abdullayevlə nəqliyyat naziri Ziya Məmmədovun qeyri-rəsmi “mühafizə batalyonları” paytaxtdakı çayxanaların birində üz-üzə gəlib. Hər iki tərəfdən 100-dək idmançının qatıldığı əlbəyaxa qanlı davada ağır yaralananlar olub.
Dünən redaksiyamıza bununla bağlı maraqlı bir məlumat daxil olub. Həmin xəbərdə deyilir ki, davanın baş verdiyi çayxana iqtidar deputatlarından birinə məxsusdur. Qaynağımız bunları bildirib: “Yazıda həmin insidentin Azadlıq prospektində, ”Neftçi"nin köhnə bazasının ərazisindəki çayxanada baş verdiyi deyilir. Bu bazanın isə hazırda “Milli olimpiya komandalarının təlim-məşq bazası” adlandığı vurğulanır. Deyilir ki, bu məkanda məşhur bir çayxana var, ora da adətən idmançılar yığışır. Dava-dalaşın olması barədə yazılanlar tam düzgün olsa da əlbəyaxa döyüşün baş verdiyi məkanla bağlı cüzi yanlışlığa yol verilib. Dəqiqləşmə aparmağa ehtiyac vardı. Həmin çayxana deputat Adil Əliyevə məxsusdur. Ora doğrudan da idmançılar tez-tez yığışır. Axı Adil Əliyev özü də idmançıdır. Buna görə də ona məxsus obyektdə idmançıları tez-tez görmək olar. Rövnəq Abdullayevə məxsus olan “Neftçi” və Ziya Məmmədovun nəzarətindəki “Bakı” futbol klublarının üzvləri, habelə onların mühafizə xidmətlərinin əməkdaşları da müntəzəm olaraq həmin çayxanaya gedirlər. Dava da bu görüşlərin birində baş verib".
Bu xəbərə Adil Əliyevin özünün də münasibətini öyrənmək üçün deputata telefon açdıq. Amma onun bizə məlum olan mobil nömrəsinə zəng çatmadı. Buna baxmayaraq, hörmətli deputatın mövqeyini dərc etməyə hazırıq.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
