Bizimlə əlaqə | Reklam
BolgeXeber.Com » Siyasət » İranın dini liderindən Azərbaycana dəstək

İranın dini liderindən Azərbaycana dəstək

3-08-2012, 17:10
Oxunub: 5 919 Ərdəbilli deputat: “İran parlamenti Qarabağın Azərbaycana aid olmasını dəstəkləyəcək”

İran İslam Respublikasının İslam Şurası Məclisinin Ərdəbil şəhəri üzrə deputatı Mənsur Həqiqətpur bu ölkənin dini rəhbəri Xamneinin işğal olunmuş Qarabağla bağlı fətva verdiyini bəyan edib.

Deputat bu barədə “Səhər” TV-yə müsahibəsi zamanı bildirib.

“Ermənistanla Azərbaycan arasında savaşla bağlı biz Ayətullah Xameneiyə müraciət etdik ki, ermənilər Qarabağı tutublar. Vəzifə nədir? O Həzrət isə buyurmuşdur ki, Qarabağ İslam torpağıdır və hər kəs oranın azadlığı uğrunda və qeyri-müsəlmanların ora hökmran olmağına qarşı hərəkətdə canını itirsə, şəhid hesab olunur”-deyə Həqiqətpur deyib.

Ərdəbilli deputat vurğulayıb ki, onlar İran parlamentində Qarabağı və oranın Azərbaycana, İslama aid olmasını möhkəm müdafiə edəcəklər.

“Biz ermənilərin və yəhudilərin Qarabağdakı hərəkətlərini qətiyyətlə pisləyirik. Əcnəbilər gəlib Qarabağda seçki keçirib, onu müşahidə edirlər ki, buranın Azərbaycana və İslam torpağına aid olması yaddan çıxarılsın. Amma vurğulamalıyam ki, nə qədər zaman keçsə də, nə qədər il ötsə də, bu həqiqəti yaddan çıxarmayacağıq ki, Qarabağ İslam torpağıdır. Qarabağı müsəlman Azərbaycan xalqı azad edəcək”-deyə Mənsur Həqiqətpur deyib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]