Bizimlə əlaqə | Reklam
BolgeXeber.Com » Siyasət » Hicab aksiyasında tutulanların həbs müddəti uzadıldı

Hicab aksiyasında tutulanların həbs müddəti uzadıldı

3-12-2012, 12:20
Oxunub: 7 549 5 oktyabr Təhsil Nazirliyinin qarşısında keçirilən “hicaba azadlıq” aksiyasında həbs edilən 32 dindarın həbs müddəti uzadıldı

Oktyabrın 5-i Bakıda, Təhsil Nazirliyinin binası qarşısında keçirilmiş hicab aksiyasına görə saxlanılan şəxslərdən 32-si barəsində məhkəmənin qərarı ilə həbs qətimkan tədbiri seçilib. Səbail rayon məhkəməsi isə dindarların həbs müddətini iki ayadək, 05 fevral 2013-cü il tarixinədək uzadıb.
Bu barədə məlumatı musavat.com saytına dindarlardan birinin vəkili Fariz Namazlı verib. Onun sözlərinə görə, Səbail rayon məhkəməsinə 32 dindar gətirilib və onların hamısının həbsdə saxlanılma müddəti artırılıb. “1 gün ərzində 2 hakim tərəfindən 30 dindarın işinə baxmaq məntiqi və fiziki cəhətdən mümkün deyil. Orta hesabla 1 işə baxılmasına 3-4 dəqiqə düşür. Həmin müddətdə hakim tərəfləri dinləməli, müşavirə otağına getməli, daxili inamına əsasən qərar qəbul etməlidir. Məhkəməyə gətirilən bütün dindarların həbs müddətinin artırılması onu göstərir ki, bu iş obyektiv surətdə araşdırılmır, dindarlar qanunsuz olaraq həbs edilib”,-deyə vəkil əlavə edib.
Xatırladaq ki, oktyabrın 5-də ümumi sayı 250-300 nəfər olan dindar orta məktəblərdə hicaba qoyulan qadağaya etiraz etmək üçün Təhsil Nazirliyi qarşısında aksiya keçiriblər. Oktyabrın 5-də Təhsil Nazirliyin qarşısında keçirilən aksiya ilə bağlı Bakı şəhər Prokurorluğunda başlanmış cinayət işi üzrə saxlanılan 74 şəxsdən 32-si barəsində məhkəmənin qərarı ilə həbs-qətimkan tədbiri seçilib. Hazırda Bakı şəhər prokurorluğu Nərimanov rayon polis idarəsi işi araşdırır. Dindarların bir hissəsinə 234.1 (narkotik) və 315-ci (hakimiyyət nümayəndəsinə qarşı zor tətbiq etmək) maddələri ilə cinayət işi açılıb. Amma nədənsə istiqamət başqa yönə yönəldilib. Demək olar ki, bütün həbs olunanların evlərində axtarış aparılıb və dini kitablar, kompüter və cd disklər aşkarlanaraq götürülüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]