Bizimlə əlaqə | Reklam
BolgeXeber.Com » Siyasət » Zülfüqar Mikayilovu yeni vəkil müdafiə edəcək

Zülfüqar Mikayilovu yeni vəkil müdafiə edəcək

2-03-2011, 16:00
Oxunub: 7 543
Ölkənin nüfuzlu ruhanisinin müdaiəsini Elçin Namazov həyata keçirəcək

Bu ilin əvvələrində 8 yanvar 2011-ci tarixində həbs edilmiş Zülfüqar Mikayılovun müdafiəsi üçün vəkil Elçin Namazovla müqavilə bağlanıb. Artıq ölkənin nüfuzlu ruhanisini yeni vəkil müdafiə edəcək. Bu barədə Bolgexeber.com-a Zülfüqar Mikayılovun hüquqlarını qoruyacaq Elçin Namazov məlumat verib. Vəkil bildirib ki, Z.Mikayılov yanvar ayının 8-də polisə müqavimət adı ilə inzibati qaydada həbs edilib. “Daha sonra onun barəsində Cinayət Məcəlləsinin 278-ci (Hakimiyyəti zorla ələ keçirmə və ya onu zorla saxlama) maddəsi ilə cinayət işi başlanıb”-deyə vəkil əlavə edib.

E.Namazov həmçinin bildirib ki, iş materialları ilə tanış olmasa da bir sıra qanunsuzluqlar barədə artıq məlumatlıdır: “Onun təqsirləndirilən şəxs qismində cəlb olunması qərarından görünür ki, həbsinin səbəbi İslam Partiyasının sədri Mövsüm Səmədovla olan yaxın münasibətləridir. İstintaq özü belə yazıb. Yaxın münasibətə görə kiminsə həbs olunması tamamilə qanunsuzdur. Bundan başqa Z.Mikayılov saxlanarkən bütün hüquqları pozulub. Ona barəsində qanunvericilikdə nəzərdə tutulmuş vəzifələr yerinə yetirilməyib. Son vaxtlara qədər ailəsi onun harada olmasını bilməyib. Bu barədə işə başladıqdan sonra bütün zəruri addımları atacağıq”.

Xatırladaq ki, hacı Zülfüqar Mikayılov ictimaiyyət arasında nüfuzu olan şəxsdir və onu daha çox Quran hafizi kimi tanıyırlar.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]