Bizimlə əlaqə | Reklam
BolgeXeber.Com » Siyasət » ABŞ-ın daha bir ştatının Senatı Xocalı faciəsini tanıdı

ABŞ-ın daha bir ştatının Senatı Xocalı faciəsini tanıdı

31-01-2013, 11:05
Oxunub: 5 014 "Bu hadisə müharibənin vəhşicəsinə törədilmiş ən dəhşətli qırğını idi”

ABŞ-ın Nyu-Meksiko ştatının Senatı Xocalı faciəsini tanıyıb. Azərbaycan əhalisinin kütləvi qətlini təsdiq edən qətnamə ştatın parlamentinin yuxarı palatasına, baxılmaq üçün Demokrat Partiyasından olan senator Herald Ortis-i-Pino tərəfindən təqdim edilib.
Sənəddə Ermənistan ilə Azərbaycan arasında Dağlıq Qarabağ münaqişəsindən söhbət açılır, 1992-ci il fevralın 25-26-da Xocalı şəhərinin işğalı zamanı erməni silahlı qüvvələrinin dinc Azərbaycan əhalisinə qarşı törətdiyi qırğından, 600 nəfərdən çox insanın, o cümlədən uşaqların, qadınların və ahılların qətlindən ətraflı bəhs edilir.
Qətnamənin müəllifi yazır: “…Qırğından sonra Xocalıda tapılmış bir çox insanların meyitləri eybəcər hala salınmış və təhqir olunumuşdu. Bu hadisə müharibənin vəhşicəsinə törədilmiş ən dəhşətli qırğını idi”.
Sənəddə, həmçinin qeyd edilir ki, BMT Təhlükəsizlik Şurasının Azərbaycan ərazilərinin işğalını pisləyən qətnamələr qəbul etdiyinə baxmayaraq, Azərbaycan ərazisinin 20 faizi – Dağlıq Qarabağ və ona bitişik olan 7 rayon Ermənistan silahlı qüvvələrinin işğalı altındadır. Nyu-Meksiko ştatı Senatının Xocalı qırğınının təsdiqinə dair qətnaməsi 35 senator tərəfindən yekdilliklə qəbul olunub.
Xatırladırıq ki, Xocalı faciəsi Texas, Nyu-Cersi, Corciya, Meynin də qanunvericilik orqanları tərəfindən tanınıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]