Bizimlə əlaqə | Reklam
BolgeXeber.Com » Siyasət » Daha bir vəzifəli şəxsə cinayət işi açıldı

Daha bir vəzifəli şəxsə cinayət işi açıldı

23-02-2013, 14:45
Oxunub: 5 273 Saatlı rayonunda yerləşən peşə liseyində külli miqdarda dövlət vəsaitinin mənimsənilməsi faktı aşkarlanıb. Hüquq-mühafizə orqanlarından Peşə Liseyinə yeni direktor təyin olunmuş Hüseynov İsmayıl Mirzəağa oğlu işi qəbul etdikdən sonra araşdırmalar aparıb. Yeni direktor liseydə külli miqdarda dövlət vəsaitinin mənimsənilməsi, bəzi sənədlərin dəyişdirilməsi kimi halları üzə çıxarıb.
İ.Hüseynov dərhal rayon prokurorluğuna və digər aidiyyəti orqanlara müraciət edib. İlkin araşdırmalarla müəyyən edilib ki, peşə liseyində daha öncəki rəhbərlik tərəfindən 42 min manat dəyərində ziyan vurulub.

Faktla əlaqədar rayon prokurorluğunda Cinayət Məcəlləsinin 313-cü (Vəzifə saxtakarlığı yəni vəzifəli şəxs, eləcə də vəzifəli şəxs olmayan dövlət qulluqçusu və ya yerli özünüidarə orqanı qulluqçusu tərəfindən rəsmi sənədlərə bilə-bilə yalan məlumatların daxil edilməsi, habelə göstərilən sənədlərdə onların həqiqi məzmununu təhrif edən düzəlişlərin edilməsi, bu əməllər tamah və ya sair şəxsi niyyətlərlə törədildikdə) maddəsi ilə iş başlanılıb. Araşdırmalar davam etdirilir.
Xəbər xidməti
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]