Bizimlə əlaqə | Reklam
BolgeXeber.Com » Siyasət » Əhəd Abıyevin tualet siyasəti

Əhəd Abıyevin tualet siyasəti

6-04-2011, 09:50
Oxunub: 8 165
Daşkəsənin icra başçısı rayonda ayaqyolu tikmək üçün hamını səfərbər edib

Daşkəsənə yenicə icra başçısı göndərilmiş keçmiş deputat Əhəd Abıyev rayonda yeni bir siyasətin başlanğıcını qoyub. Bolgexeber.com-a verilən məlumata görə, icra başçısı ötən gün bütün idarə və müəssisə rəhbərlərini başına yığaraq, onlarla «fövqəladə» müşavirə keçirib.

Məlumatda deyilir ki, Abıyev bütün idarə və müəssisə rəhbərlərinə hazırda Daşkəsəndə ən böyük problemin ayaqyolunun olmamasını deyib. Bu problemin təcili olaraq aradan qaldırılması üçün tədbirlərin görülməsinin də zəruriliyini qeyd edən keçmiş deputat hamını səfərbərliyi alıb.

Bolgexeber.com-a daxil olan məlumatda deyilir ki, artıq dünəndən etibarən Daşkəsən rayonunda ayaqyolularının harada tikilməsi ilə bağlı araşdırmalara başlanılıb. Belə ki, rayonda münasib yerlər dəqiqləşdirilir və orada ayaqyollarının inşası üçün hazırlıq görülür. Həmin işləri isə idarə və müəssisə rəhbərləri həyata keçirirlər. Tikintiyə nəzarəti isə icra başçısı öz üzərinə götürüb.

P.S. Daşkəsənin problemləri qurtarmışdı, təkcə ayaqyolu məsələsi qalmışdı. Halaldı Əhəd Abıyevə.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]