Bizimlə əlaqə | Reklam
BolgeXeber.Com » Siyasət » "Wikileaks" növbəti bombanı partlatdı

"Wikileaks" növbəti bombanı partlatdı

8-04-2013, 10:10
Oxunub: 5 192 Sayt ABŞ kəşfiyyatına dair 1,7 mln məxfi sənədi dərc edib
Qalmaqallı "Wikileaks" saytı növbəti dəfə Amerika Birləşmiş Ştatlarına məxsus məxfi sənədləri dərc edib. Bu dəfə 1973-1976-cı illərdə ABŞ kəşfiyyatına və diplomatik xidmətinə məxsus 1,7 milyondan çox məxfi sənəd açıqlanıb. Bu işin bir hissəsini ötən ilin iyunundan bəri Londondakı Ekvador səfirliyində sığınacaq tapan "Wikileaks" rəhbəri Culian Assanj şəxsən görüb.

Dərc olunmuş sənədlərin bir qismi sözügedən illərdə ABŞ-ın dövlət katibi Henri Kissincerə ünvanlanıb və ya onun tərəfindən yazılıb. Sənədlərin əksəriyyətində "açıqlanmamalı" qeydi edilib, bəziləri isə "məxfi" statusuna malik olub. "Wikileaks" saytında bu sənədlərin toplusu "ABŞ diplomatiyasının ictimai kitabxanası" adı altında təqdim edilib.

Xatırladaq ki, hələ ötən il Culian Assanj "onu qorxuda bilməyəcəklərini" bəyan etmiş və 2013-cü ildə bütün dünya ölkələrinə aid olacaq milyona yaxın sənəd yayacağına vəd vermişdi.

Qeyd edək ki, "Wikileaks" saytı daha əvvəl də ABŞ-ın İraq və Əfqanıstan müharibələrinə, eləcə də Dövlət Departamentinin səfirliklərlə yazışmalarına dair məxfi sənədləri yaymışdı.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]