Bizimlə əlaqə | Reklam
BolgeXeber.Com » Siyasət » “Qayıdacam və seçkidə iştirak edəcəm…” – Rəsul Quliyev

“Qayıdacam və seçkidə iştirak edəcəm…” – Rəsul Quliyev

13-04-2013, 08:20
Oxunub: 5 466 Mən heç vaxt “2013-cü ilin martında Azərbaycana gələcəyəm” deməmişəm”

Azərbaycanın eks-spikeri, hazırda ABŞ-da mühacirətdə yaşayan Rəsul Quliyev yenidən vətənə qayıtması ilə bağlı açıqlama verib. R.Quliyev bu ilin payızında keçiriləcək prezident seçkilərində namizəd kimi iştiraka iddialı olduğunu da vurğulayıb.
Milli Məclisin sabiq sədri Azərbaycana nə zaman qayıdacağı ilə bağlı suala konkret cavab verməsə də, bu haqda vaxtı çatanda məlumat verəcəyini bildirib.
“Mən heç vaxt “2013-cü ilin martında Azərbaycana gələcəyəm” deməmişəm. Mən demişəm ki, mart və ya aprel aylarında Azərbaycana qayıtmağımın konturları məlum olacaq və bu barədə məlumat verəcəyəm”,- deyə eks-spiker bildirib.
R.Quliyev daha sonra aparıcı müxalifət liderlərinə seçki mesajı göndərib:
“İkincisi “seçkilərdə iştirak edəcəyəm” bəyanatını 2011-ci ilin dekabrında elan etmişəm. Amma bu gün əsas söhbət prezidentliyə namizədliyi irəli sürməkdən yox, ölkədə azad və ədalətli seçkilərin keçrilməsinə nail olmaqdan gedir, hamı da bu istiqamətdə səylərini birləşdirməlidir. Təəssüf ki, bu müddət ərzində biz azad və ədalətli seçki keçirməkdən daha uzaqlaşmış və seçkilərin saxtalaşdırılmasına yaxınlaşmışıq”.
Uzun illərdir Amerikada yaşayan Rəsuı Quliyev bir müddət əvvəl Modern.az-a açıqlamasında prezident seçkilərinə qatılacağını bildirərək bu məqsədlə Bakıya qayıyacağını bəyan edib. Eks-spiker bildirib ki, əgər o, seçkilərə qatılmasa, müxalifət məğlub olacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]