İsa Sadıqov Azərbaycana qayıdır
5-06-2013, 13:50
Oxunub: 6 153
Milli Şura elan olunduqdan sonra onun sıralarına qoşulmaq üçün ən müxtəlif təbəqələri təmsil edən nüfuzlu şəxslərlə danışıqlar aparır. Məlumata görə, bu danışıqlar hazırda da davam etdirilir. Bu danışıqlar çərçivəsində xaricdə yaşayan nüfuzlu azərbaycanlıların da prosesə qoşulması istiqamətində iş aparılır. Əldə etdiyimiz məlumata görə, artıq bu istiqamətdə bəzi razılaşmalar əldə olunub. Belə şəxslərdən biri də 2001-ci ildən Norveçdə mühacirət həyatı yaşayan polkovnik, müdafiə nazirinin sabiq müavini İsa Sadıqovdu.Bizə çatan xəbərlərdə bildirilir ki, İ.Sadıqov bir müddət əvvəl Ankarada olub, bir sıra görüşlər keçirib və daha sonra doğulduğu Gürcüstana gəlib. Onun yaxın vaxtlarda fəal şəkildə Milli Şuranın sıralarına qoşulacağı bildirilir. Bu məlumatlara aydınlıq gətirmək və İ.Sadıqovun Azərbaycanda gedən proseslərlə bağlı mövqeyini öyrənmək üçün polkovniklə əlaqə saxladıq.
İ.Sadıqov bildirdi ki, həqiqətən də Norveçi tərk edərək bir müddət əvvəl Türkiyəyə gəlib. Onun sözlərinə görə, Türkiyədə bir sıra görüşlər keçirib və bəzi tədbirlərdə iştirak edib: “İndi Gürcüstandayam. İki aydı qayıtmışam qürbətdən. Qürbət vətəni əvəz edə bilməz”.
Azərbaycanda baş verənlərə gəlincə, İ.Sadıqov ölkədə baş verənləri diqqətlə izlədiyini deyib: “Azərbaycanda gedən bütün proseslərdən xəbərim var. Bu gün Azərbaycanda yeni bir mərhələ başlayıb və bu qələbə ilə nəticələnəcək. Mənim buna heç bir şübhəm yoxdu. Əminəm ki, sizlər də bunu hiss edirsiniz. Çox sevindirici haldı ki, milyonlarla həmvətənimizin arzuladığı birlik yarandı və bu birliyin qarşısını alacaq qüvvə görmürəm. Uzun illərdi bu rejim bizi parçalamağa çalışdı amma buna nail olmadı. Bizi sonadək bölə, əzə, qorxuda bilmədilər.
Mənim Milli Şurada təmsilçiliyimə gəlincə, hər zaman xalqımla birlikdə olmuşam və bundan sonra da olacağam. Əlimdən gələni edəcəyəm ki, dəyişikliyə nail olaq”.
İ.Sadıqov yaxın vaxtlarda Azərbaycana gələcəyini bildirdi. Onun fikrincə, hakimiyyət ölkəyə gəlişinə heç bir əngəl törədə bilməz. Çünki bunun üçün heç bir əsas yoxdu.
Bizimxeber.az
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər - 9-06-2025, 10:25 : UEFA Millətlər Liqasının qalibi müəyyənləşib
İdman / Xəbərlər - 11-06-2025, 11:10 : "Qarabağ" 5 pillə gerilədi
İdman / Xəbərlər - 12-06-2025, 12:18 : PSJ yeni formasını təqdim etdi
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
