Bizimlə əlaqə | Reklam
BolgeXeber.Com » Siyasət » Vergilər Nazirliyi Hüseyn Abdullayevə qarşı cinayət işi barədə məlumatı təsdiqləmir

Vergilər Nazirliyi Hüseyn Abdullayevə qarşı cinayət işi barədə məlumatı təsdiqləmir

27-06-2013, 11:50
Oxunub: 5 680 Vergilər Nazirliyi keçmiş millət vəkili və sahibkar Hüseyn Abdullayevə qarşı vergidən yayınma maddəsi ilə cinayət işinin qaldırılması barədə məlumatı təsdiqləmir.

Nazirliyin mətbuat xidmətindən bildirilib ki, bununla bağlı rəsmi məlumat yoxdur, bu barədə yalnız mətbuatda oxuyublar.

Öz növbəsində sabiq deputatın vəkili Kamandar Nəsibov bu barədə danışmaq istəməyib. O “bu mövzuda danışa bilmərəm” deyərək səbəbini açıqlamayıb.

DİN və Baş Prokurorluq da onlarda bu haqda məlumatın olmadığını bildiriblər.

H.Abdullayev keçmişdə nüfuzlu sahibkar və parlament üzvü olub. 2007-cil ildə o, hökuməti pis fəaliyyətinə görə tənqid edib və bu zəmində digər deputat Fəzail Ağamalı ilə aralarında dava düşüb. Nəticədə H.Abdullayev şərti olaraq 2 il müddətinə həbs olunub. Bundan sonra “kölgədə qalıb”.

Musiqi ilə məşğul olan H.Abdullayev bu yaxınlarda “Susma” mahnısını yazıb. Mahnını “Şeron” qrupu ifa edib.

Mahnıda hakimiyyətlə qarşıdurmaya çağırış səslənir və mahnıya çəkilmiş klipdə nümayişçilərə qarşı polis zorakılığını əks etdirən görüntülər yer alıb.

Klip Youtube-da yayımlandıqdan sonra “Şeron” qrupuna təzyiqlər başlayıb və qrup ondan imtina edib.

Bəzi məlumatlara görə, H.Abdullayev Türkiyədədir. O, Azərbaycan hakimiyyətini “Susma” klipindən sonra onun qohumlarına və yaxınlarına təzyiq göstərməkdə ittiham edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]